Noag

in Wikipedia, die vrye ensiklopedie
12de-eeuse Venesiaanse mosaïek van Noag wat die duif stuur
Noag

Noag se opoffering, skildery deur Daniel Maclise
Vereer in Judaïsme, Christendom, Islam, Baha’i-geloof
Feesdag 29 November (Protestantisme)
16 Desember (Rooms-Katolieke Kerk, maar nóg as salig nóg as heilig)
10 Mei, 3 Advent (Oosters-Ortodokse Kerk)
26 Desember (Armenië)
1 Augustus, 7 September (Kopte)
2 Mei (Sirië)
Asjoera (Islam)
Geografiese identifikasies vir die seuns van Noag (Flavius Josephus, ca. 100 n.C.)

In Abrahamitiese gelowe was Noag (Hebreeus: נֹחַ, Nōaḥ; Siries: ܢܘܚ, Nukh; Amharies: ኖህ, Noḥ; Arabies: نُوح, Nūḥ; Grieks: Νῶε, Nôe) die tiende en laaste van die voor-vloedse patriarge. Sy verhaal is in die Hebreeuse Bybel in Beresjiet/Genesis se hoofstukke 5–9 opgeneem. Beresjiet/Genesis se vloedverhaal is van die bekendste in die hele Bybel. Noag word ook uitgebeeld as "die eerste landbouer van die grond' en die "uitvinder van wyn".

Volgens Beresjiet/Genesis het Noag getrou gewerk om sy Noag se ark op God (JHWH/Allah) se bevel te bou, om uiteindelik nie net sy eie gesin nie, maar die hele mensdom en alle landdiere van uitsterwing tydens die groot vloed te red. Daarna het God 'n Bond met Noag gesluit en belowe om nooit weer die aarde se wesens met 'n vloed te vernietig nie. Die vloedverhaal word gevolg deur die verhaal van die vloek van Gam.

Bykomende tot Beresjiet/Genesis word Noag in die Hebreeuse Bybel se 1-2 Kronieke, die Boek van Tobit, die Boek van Wysheid, Sirag, Jesaja, Esegiël, 2 Esdras, 4 Makkabeërs genoem. Daarbenewens word na hom in die Nuwe Testament se Evangelie volgens Matteus en Evangelie volgens Lukas, die Brief aan die Hebreërs, 1 Petrus en 2 Petrus verwys. Noag was ook die onderwerp van latere Abrahamitiese gelowe se Heilige skrifte soos die Koran (Soeras 71, 7, 1, en 21) en die Baha’i se Kitáb-i-Íqán.

Volgens die Bybel is die hele hedendaagse mensdom van Noag se drie seuns Sem, Gam en Jafet afkomstig. Sem is gevolglik as die voorvader van die Semitiese volke soos Amhare, Arabiere, Arameërs, Assiriërs, Galdeërs, Hebreërs en Tigrinya beskou. Gam sou die voorvader van die Hamitiese volke soos Koesjiete en Egiptenare gewees het. Van Jafet stam glo die Indo-Europese volke af. Volgens hierdie stelsel het Noag se drie seuns se afstammelinge die drie destyds bekende vastelande Afrika, Asië en Europa ná die sondvloed bevolk. Dié teorie word algemeen as verouderd beskou.

Sien ook[wysig | wysig bron]

Eksterne skakels[wysig | wysig bron]

  • Wikimedia Commons logo Wikimedia Commons het meer media in die kategorie Noag.
  • (en) "Noah". Jewish Encyclopedia. Besoek op 23 Augustus 2019.
  • (en) "Noah". Encyclopædia Britannica. Besoek op 23 Augustus 2019.


Profete van Islam, soos in die Koran genoem.
ʾĀdam Iederies Nūḥ Hüd Salih Ibrāhīm Loet Ismāʿīl Iṣḥāq Yāqub Yūsuf Ajjoeb
آدم ادريس نوح هود صالح إبراهيم لوط اسمعيل اسحاق يعقوب يوسف أيوب
Adam Henog Noag Eber Selag Abraham Lot Ismael Isak Jakob Josef Job

Suayb Mūsa Haroen Dhoelkifl Dawud Süleyman Iljas Al-Yasa Yunus Zakarija Jahja ʿĪsā Mohammed
شعيب موسى هارون ذو الكفل داود سليمان إلياس اليسع يونس زكريا يحيى عيسى
Mohammed
Mohammed
Jetro Moses Aäron Esegiël Dawid Salomo Elija Elisa Jona Sagaria Johannes Jesus