Audi Nuvolari quattro

in Wikipedia, die vrye ensiklopedie
Jump to navigation Jump to search
Audi Nuvolari quattro
Audi nuvolari-studie.jpg
Oorsig
Vervaardiger Audi AG
Produksie 2003
Montering Neckarsulm, Duitsland
Bakwerk en onderstel
Klas Konsep Sportmotor
Bakstyl 2-deur 4-sitplek koepee
Uitleg Voorenjin,
quattro permanente vierwieldryf
Spesifikasies
Enjin 5.0 L FSI tweeling-turbo V10 2x DOHC
Lengte 4800 mm
Breedte 1920 mm
Hoogte 1410 mm
Plek in geskiedenis
Opvolger Audi A5
Agterstewe van die Nuvolari quattro.

Die Audi Nuvolari quattro (ook bekend as die Audi Lisvina) was 'n konsepmotor geskep deur die Duitse motorvervaardiger Audi. Hierdie voertuig is die eerste keer in 2003 by die Geneefse Motorskou vertoon. Audi het beplan dat dit hul volgende groottoermotor (GT) moes word. Dit was die tweede van drie konsepmotors wat deur Audi ontwerp en getoon is in 2003, ná die Pikes Peak quattro en voor die Le Mans quattro.[1][2]

Die Nuvolari quattro het 'n 5.0 L tweeling-turbo V10 brandstofgestratifiseerde inspuiting (FSI) enjin wat 441 kW (591 pk) kan lewer, en sy wringkrag word as 750 N·m aangegee. Die Nuvolari quattro gebruik Audi se Torsen-gebaseerde quattro permanente vierwieldryfstelsel.

Dit kan versnel van 0 tot 100 km/h in ongeveer 4.1 sekondes. Topspoed word elektronies beperk op 250 km/h (160 mpu).

Die Nuvolari quattro is vernoem na een van die mees bekende en legendariese renjaers van alle tye, Tazio Nuvolari. Nuvolari het 61 Grand Prix-oorwinnings behaal, en is in 1953 oorlede. Vyftig jaar na sy dood is die Audi Nuvolari quattro geskep ter ere van sy gedagtenis.

Audi het hierna die Nuvolari quattro ontwikkel tot die nuwe Audi A5-reeks.

Verwysings[wysig | wysig bron]

  1. PDF-dokument
  2. Audi Nuvolari quattro study, from”. ConceptCarz.com. URL besoek op 2010-11-08.


Hierdie artikel is in sy geheel of gedeeltelik vanuit die Engelse Wikipedia vertaal.