Audio Engineering Society

in Wikipedia, die vrye ensiklopedie
Spring na: navigasie, soek

Audio Engineering Society logo.svg

Audio Engineering Society


Hoofkwartier

New York, New York
Vlag van Verenigde State van Amerika Verenigde State



Stigting

1948


Tipe

Nie-regeringsorganisasie (NRO)
Ingenieurs-vereniging


Voorsitter

Alex U. Case


Ledetal

14 000+


Webtuiste
www.aes.org

Die Audio Engineering Society (AES) is 'n internasionale beroepsvereniging van lede uit die klankbedryf soos klankingenieurs, wetenskaplikes en ander professioneles wat by dié bedryf betrokke is of belang daarin stel. Die meeste lede is navorsings- en ontwikkelingsingenieurs uit die oudiobedryf of professioneles uit die musiekbedryf.

Die DTS-stalletjie tydens die 124ste AES-kongres wat in 2008 in Amsterdam, Nederland gehou is

Die AES, wat in 1948 gestig is en sy hoofkwartier in New York het, het verenigings in 41 lande en geografiese streke dwarsoor die wêreld. Dit is die enigste internasionale vereniging wat hom uitsluitlik op klanktegnologie toespits. Die AES ontwikkel, bespreek, beoordeel en publiseer tegniese standaarde vir die klank- en verwante bedrywe, soos die digitale koppelvlak AES3 (ook bekend as AES/EBU).

Jaarliks word twee kongresse (AES Conventions) georganiseer wat om die beurt in gasheerstede in Europa (in die lente) en die Verenigde State (in die najaar) gehou word. Gasheerstad van die 143ste kongres in 2017 is New York, Verenigde State (18 tot 21 Oktober). Uitstallings maak deel uit van die kongresse. Konferensies oor spesifieke onderwerpe word onreëlmatig deur die AES of sy streeks- of nasionale verenigings gehou. Die AES publiseer daarnaas sedert 1953 'n wetenskaplike joernaal, die Journal of the Audio Engineering Society (JAES), met aanvanklik vier en sedert 1971 tien uitgawes per jaar.

Britse AES-vereniging[wysig | wysig bron]

Die grootste AES-vereniging buite die Verenigde State is die Audio Engineering Society UK in die Verenigde Koninkryk met sowat 900 lede.[1] Die Britse vereniging gee 'n maandelikse nuusbrief uit en hou gereeld lesings (gewoonlik in Londen). Soms word besoeke gebring aan klankateljees en ander plekke en instellings van belang. Lesings word meestal opgeneem en beskikbaar gestel as MP3-lêers wat afgelaai mag word en soms van begeleidende skyfies in PDF-formaat voorsien.[2]

Verwysings[wysig | wysig bron]

Eksterne skakels[wysig | wysig bron]