Avenue des Champs-Élysées

in Wikipedia, die vrye ensiklopedie



Avenues des Champs-Élysées


Ligging

8ste Arrondissement
Parys, Frankryk


Lengte

1 910 meter


Wydte

70 meter

Die Avenue des Champs-Élysées [avəˌnydeˌʃɑ̃zeliˈze] in Parys, dikwels kort Champs-Élysées of, in die omgangstaal, ook Les Champs genoem, is 'n belangrike straat in Parys wat na die Arc de Triomphe lei, vol duur winkels en straatkafees.[1] Dit is een van die bekendste en mees gesogte praglane ter wêreld. Die laan is in die 8ste Arrondissement in die noordweste van die Franse hoofstad geleë en loop tussen die pleine Place de la Concorde en Place Charles de Gaulle.

Die Avenue des Champs-Élysées
Avenue des Champs-Élysées in Junie 2014

Rolprentteaters, koffiehuise en luukse winkels verskaf 'n wye verskeidenheid vermaak, terwyl ook bekende monumente en toeristetrekpleisters soos die Paryse Triomfboog (Arc de Triomphe) en die fonteine van Place de la Concorde langs die laan geleë is. Die Avenue des Champs-Elysées maak deel uit van Parys se Axe historique of "Koninklike Pad", 'n reguit lyn wat van die befaamde Louvre-museum tot die sakebuurt La Défense met sy wolkekrabbers loop en waarlangs baie van Parys se bekende monumente en historiese geboue geleë is.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]

Koördinate: 48°52′11″N 2°18′27″O / 48.86972°N 2.30750°O / 48.86972; 2.30750