Beesstert

in Wikipedia, die vrye ensiklopedie
Jump to navigation Jump to search
Beesstert, gereed vir gaarmaak
Gestowe beesstert
Beesstertsop

Beesstert (oxtail) is die kulinêre naam vir die stert van geslagde diere. Voorheen het dit slegs verwys na die stert van 'n gekastreerde manlike bees, 'n os. 'n Volle beesstert weeg gewoonlik 1-1,8 kg (2-4 lbs.) en bestaan uit die ronde stertwerwels met 'n klein hoeveelheid spierweefsel (vleis) rondom geheg. Dit word ontvel en in kort lengtes gesny (tussendeur die werwels), gereed vir die kliënt.

Beesstert is 'n bebeende, gelatien-ryke vleis, wat gewoonlik stadig gaargemaak word as 'n stowe of bredie. Dit is ook 'n tradisionele voorraadbasis vir 'n sop. Hoewel die tradisionele voorbereiding dikwels ure se stadige kook benodig het, het moderne metodes 'n kortpad gevind deur die gebruik van 'n drukkoker. Dit verskaf 'n gewilde geur vir poeiersop, kitssop en geblikte sop in die Verenigde Koninkryk en vele lande.

Verskillende lande[wysig | wysig bron]

Suid-Afrika

Beesstert is baie gewild in Suid-Afrika waar dit dikwels gestowe word in 'n tradisionele potjie ('n driebeen-gietysterpot wat oor 'n oop vuur geplaas word).

Beesstert word ook geëet in ander suidelike dele van Afrika soos Zimbabwe en bedien met mieliepap en groente.

Italië

Beesstert is die belangrikste bestanddeel van die Italiaanse gereg koda alla vaccinara.

Rusland

Beesstert is een van die gewildste basisse vir Russiese aspiekvoorgeregte (холодец of студень), saam met varkpootjies of ore of "koeiknieë", maar is die voorkeurbestanddeel onder Russiese Jode omdat dit kosher kan wees.

V.S.A.

In Amerika is beesstert 'n staatmaker in die Afro-Amerikaanse en Wes-Indiese huishoudings. In die Filippyne, word dit voorberei in 'n grondboontjiebottergebaseerde bredie genoem kare-kare.

Wes-Indië

Gestoofde beesstert met botterbone of as hoofgereg (met rys) is gewild in Jamaika, Trinidad en ander Wes-Indiese kulture.

Hierdie artikel is in sy geheel of gedeeltelik vanuit die Engelse Wikipedia vertaal.