Jamaika

in Wikipedia, die vrye ensiklopedie
Jump to navigation Jump to search
Jamaica
Jamaika
Vlag van Jamaika Wapen van Jamaika
Vlag Wapen
Nasionale leuse: Out of Many, One People
(Engels vir: "Vanuit baie, een nasie")
Volkslied: Jamaica, Land We Love
(Engels vir: "Jamaika, Land waarvoor ons lief is")

Koninklike volkslied: God Save the Queen
(Engels vir: "God beskerm die koningin")
Ligging van Jamaika
Hoofstad Kingston

17°59′N 76°48′W / 17.983°N 76.800°W / 17.983; -76.800

Grootste stad Kingston
Amptelike tale Engels
Regering

Monarg
• Goewerneur-generaal
Eerste minister
Unitêre parlementêre
grondwetlike monargie
Elizabeth II
Patrick Allen
Andrew Holness
Onafhanklikheid
• Toegestaan
van die Verenigde Koninkryk
6 Augustus 1962
Oppervlakte
 - Totaal
 
 - Water (%)
 
10 991 km2  (166ste)
4 244 myl2
1,5
Bevolking
 - 2016-skatting
 - Digtheid
 
2 890 299[1] (139ste)
266 / km2 (49ste)
688,9 / myl2
BBP (KKP)
 - Totaal
 - Per capita
2018-skatting

$27,716 miljard[2]
$9 691[2]

BBP (nominaal)
 - Totaal
 - Per capita
2018-skatting

$15,230 miljard[2]
$5 325[2]

MOI (2014) Green Arrow Up Darker.svg 0,719[3] (99ste)  –  hoog
Gini (2004) 45,5[4][5](84ste) –  medium
Geldeenheid Dollar (JMD)
Tydsone
 - Somertyd
(UTC-5)
nie toegepas nie (UTC-5)
Internet-TLD .jm
Skakelkode +1-876
+1-658 (oortrek van 876; aktief vanaf November 2018)

Jamaika (Engels: Jamaica, [dʒəˈmeɪkə], ) is 'n eilandnasie van die Groot Antille met 234 kilometers in lengte en 80 kilometers in breedte. Jamaika is in die noorde van die Karibiese See geleë en is naas Kuba, die Dominikaanse Republiek, Haïti en die Bahamas die vyfde grootste eilandnasie van die streek.[6] Jamaika beslaan 'n oppervlakte van 10 991 km² en het 'n bevolking van 2 890 299 in 2016 gehad. Jamaika is in die suide van Kuba, in die weste van Hispaniola en in die suidooste van die Kaaimanseilande geleë. Die hoofstad en grootste stad is Kingston. Ander bekende nedersettings sluit in May Pen, Montego Bay en Spanish Town.

Nasa-Satellietbeeld van Jamaika
Kaart van Jamaika

Die inheemse bevolking, die Taíno, het dié eiland in Arawak Xaymaca genoem, wat "land van woud en water" of "land van fonteine" beteken. Jamaika is in 1494 deur Christophorus Columbus vir Europa ontdek en Santiago genoem.[7] Dit het in 1509 'n Spaanse kolonie geword en is by Nieu-Spanje ingelyf. Die meeste lede van die inheemse Arawak- en Taíno-volke het aan siektes beswyk en die Spanjaarde het slawe uit Wes-Afrika ná dié eiland gebring. In 1655 is dié eiland deur Engeland verower en na Jamaica hernoem. Jamaika het 'n basis vir kapers geword wat Spaanse skepe op pad na Europa geplunder het. In 1833 is slawerny in die Britse Ryk verbied. Tussen 1958 en 1962 het dit saam met ander Britse kolonies in die Karibiese gebied deel uitgemaak van die Wes-Indiese Federasie.

Op 6 Augustus 1962 het Jamaika van die Verenigde Koninkryk onafhanklik geword. Jamaika is 'n grondwetlike monargie binne die Britse Statebond en Elizabeth II van die Verenigde Koninkryk is die staatshoof van dié land. Bekende Jamaikane sluit in die sanger Bob Marley en die naelloper Usain Bolt. Die Jamaikaanse kultuur is vir sy Reggae-musiek en die Rastafarianisme bekend. Dié eiland is 'n gesogte vakansieplek en die ekonomie is veral op buitelandse bankdienste, toerisme en mynbou gebaseer.[8]

Krieket is die nasionale sport van Jamaika en ook dié eiland se gewildste sportsoort.[9] Spelers mag vir die Wes-Indiese nasionale krieketspan uitdraf. Saam met Antigua en Barbuda, Barbados, Grenada, Guyana, St. Kitts en Nevis, St. Lucia en Trinidad en Tobago het dié eilandnasie die Krieketwêreldbeker 2007 aangebied, wat deur Australië gewen is.

Verwysings[wysig | wysig bron]

  1. (en) World Population Prospects: The 2017 Revision”. United Nations Department of Economic and Social Affairs, Population Division. URL besoek op 20 Mei 2018.
  2. 2,0 2,1 2,2 2,3 (en) Jamaica”. Internasionale Monetêre Fonds. URL besoek op 20 Mei 2018.
  3. (en) 2015 Human Development Report”. United Nations Development Programme: 2014. URL besoek op 20 Mei 2018.
  4. (en) Gini Index”. Wêreldbank. URL besoek op 20 Mei 2018.
  5. (en) Country Comparison: Distribution 0f Family Income – Gini Index”. World Factbook. Central Intelligence Agency. URL besoek op 20 Mei 2018.
  6. (en) Top 5 Largest Countries in the Caribbean”. Aneki.com. URL besoek op 20 Mei 2018.
  7. (en) Jamaica”. Encyclopædia Britannica. URL besoek op 20 Mei 2018.
  8. (en) Jamaica”. CIA World Factbook. Central Intelligence Agency. URL besoek op 20 Mei 2018.
  9. (en) History of Jamaica”. Jamaican Embassy, Washington. URL besoek op 20 Mei 2018.

Eksterne skakels[wysig | wysig bron]


 
Lande en gebiede in Noord-Amerika
Lande: Antigua en Barbuda | Bahamas | Barbados | Belize | Costa Rica | Dominica | Dominikaanse Republiek | El Salvador | Grenada | Guatemala | Haïti | Honduras | Jamaika | Kanada | Kuba | Meksiko | Nicaragua | Panama | St. Kitts en Nevis | St. Lucia | St. Vincent en die Grenadine | Trinidad en Tobago | Verenigde State van Amerika
Afhanklike gebiede: Koninkryk van Denemarke: Groenland | Frankryk: Clipperton - Guadeloupe - Martinique - Saint-Martin - Sint Bartolomeus‎ - Sint Pierre en Miquelon | Koninkryk van die Nederlande: Aruba - Curaçao - Sint Maarten | Nederland: Bonaire - Saba - Sint Eustatius | Verenigde Koninkryk: Anguilla - Bermuda - Britse Maagde-eilande - Kaaimanseilande - Montserrat - Turks- en Caicoseilande | Verenigde State: Amerikaanse Maagde-eilande - Navassa - Puerto Rico

Lande van: Afrika - Asië - Europa - Oseanië - Suid-Amerika