Benguelastroom

in Wikipedia, die vrye ensiklopedie
(Aangestuur vanaf Benguela-stroom)
Die Benguelastroom aan die weskus van Afrika (regs bo).

Die Benguelastroom is 'n koue seestroom in die Atlantiese Oseaan aan die suidwestelike kus van Afrika.[1] Die seestroom het sy oorsprong in die ysige waters rondom Antarktika wat in 'n noordwaartse rigting langs die Weskus (Atlantiese kus) van Suid-Afrika en Namibië tot aan die suide van Angola vloei.

Die stroom word gedryf deur suidoostewinde en is bekend vir die opwelling-ekostelsel wat hier voorkom. Die koue seestroom beïnvloed egter ook die weer aan die Weskus. Die opwelling het tot gevolg dat koue, voedselryke water na die oppervlak gebring word wat tot gevolg het dat groot skole pelagiese vis met groot kommersiële waarde hier leef. Visse soos ansjovis, stokvis en sardyne word gesien as groot hulpbronne vir beide Suid-Afrika en Namibië.

As gevolg van die koue see, bevat lug wat van die see na die land inwaai nie veel vog nie, en dus is reën baie skaars. Dit het tot gevolg dat die weskus van Suid-Afrika en Namibië droë halfwoestyngebiede is.

Die stroom is vernoem na Benguela in Angola.

Sien ook[wysig | wysig bron]

Bron[wysig | wysig bron]

  • Die verhaal van Lewe & die Omgewing, 'n Afrika-perspektief. Jo van As, Johann du Preez, Leslie Brown en Nico Smit. Struik Nature. 2013. ISBN 978-1-77007-586-3

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8