Bergen-Belsen-konsentrasiekamp

in Wikipedia, die vrye ensiklopedie
(Aangestuur vanaf Bergen-Belsen)
Monument by die ingang van Bergen-Belsen.
Nazi-dokter Fritz Klein staan in 'n massagraf na die bevryding in April 1945

Bergen-Belsen (ook Belsen) was 'n Nazi-konsentrasiekamp in die noorde van Duitsland gedurende die Tweede Wêreldoorlog. Duisende mense, veral Jode en Sowjet-soldate, het in Belsen gesterf.[1] Die kamp was suidwes van die dorp Bergen, naby Celle in die hedendaagse Nedersakse geleë. Dit was een van die grootste konsentrasiekampe in Duitsland.

Die kamp is oorspronklik gestig om krygsgevangenes te huisves. In 1943 is dele daarvan in 'n konsentrasiekamp omskep. Die aanvanklike doel was om Jode aan te hou wat later vir Duitse krygsgevangenes uitgeruil kon word.[2]

Van 1941 tot 1945 is sowat 50 000 gevangenes en 20 000 Sowjet-krygsgevangenes in Belsen dood.[3] Tot 35 000 van hulle is net voor, of net na die kamp bevry is aan tifus oorlede.[4]

Die kamp is op 15 April 1945 deur Britse soldate bevry.[5] Hulle het 60 000 mense daar aangetref,[4] asook 13 000 lyke wat onbegrawe op die grond gelê het.

Vandag is daar 'n gedenkteken met 'n uitstalruimte op die terrein.

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Shephard, Ben (2006). After daybreak : the liberation of Belsen, 1945. London: Pimlico. ISBN 978-1-84413-540-0.
  3. Oppenheimer, Paul (1996). From Belsen to Buckingham Palace. Nottingham: Quill Press. ISBN 0-9536280-3-5.
  4. 4,0 4,1 "Bergen-Belsen", United States Holocaust Memorial Museum.
  5. "The 11th Armoured Division (Great Britain)", United States Holocaust Memorial Museum.

Eksterne skakels[wysig | wysig bron]

Bergen-Belsen
Bergen-Belsen

Koördinate: 52°45′28″N 9°54′28″O / 52.75778°N 9.90778°O / 52.75778; 9.90778