Bespreking:Viskositeit

in Wikipedia, die vrye ensiklopedie
Spring na: navigasie, soek

Ek is onseker oor wat om te maak met die Engelse begrippe Fluid en Liquid. Ek gebruik al jare lank vloeier en vloeistof om tussen die twee te onderskei. Ek kom nou agter dat my woordeboek net vloeistof vir beide begrippe aangee. Dit voel egter snaaks om na 'n gas wat ook 'n Fluid is as 'n vloeistof te verwys. Kan iemand dalk 'n bietjie meer lig werp op die korrekte woord wat hier gebruik behoort te word? --RAM (kontak) 19:07, 17 April 2009 (UTC)

Kan 'n man nie net na gas altyd as 'n gas verwys nie, en indien nodig uitbrei dat 'n gas wel vloei, en dan die term vloeistof vir vloeistowwe behou? Ek is nie seker of baie mense wat hier lees 'n onderskeid sal tref met "vloeier" nie, alhoewel ek verkeerd mag wees. Ons kan dalk 'n eksperiment loods en 'n nuwe term in ons ensiklopedie inkorporeer, en dan na die kommentaar van gebruikers/lesers oordeel of dit geslaagd is of nie. Ek dink wel dat dit noodsaaklik is om een of ander term te hê om te onderskei, maar ek het geen voorkeur of afkeur vir "vloeier" nie. — Adriaan90 (Bespreking • Bydraes) 10:57, 18 April 2009 (UTC)
Nederlands heeft hetzelfde probleem. Wij gebruiken dan meestal het Latijnse fluidum, vernederlandst als fluïdum met als uitleg: vloeistof+gas. Jcwf (kontak) 14:10, 18 April 2009 (UTC)
Pharos se tweetalige woordeboek bied ook fluïde. Anrie (kontak) 16:16, 18 April 2009 (UTC)
Dink ek sal dan fluïde in die toekoms gebruik en 'n artikel ter verduideliking skryf sodat 'n mens dan 'n skakel daarna kan plaas. --RAM (kontak) 19:33, 18 April 2009 (UTC)