Bill J. van Niekerk
Bill J. van Niekerk (4 Mei 1921 — 2 Februarie 2001) was 'n professor in Volkekunde aan die Universiteit van Suid-Afrika en ’n Afrikaanse skrywer.
Lewe en werk[wysig | wysig bron]
Bill J. van Niekerk is op 4 Mei 1921 gebore en word groot in die Wes-Transvaal. Hy studeer verder aan die Universiteit van Stellenbosch, waar die bekende skrywer P.J. Schoeman een van sy lektore is en ’n lewenslange vriendskap tussen hulle ontstaan. In Schoeman se boeke word na hom verwys as Bill. Rondom die jare van die Tweede Wêreldoorlog is Schoeman kommandant van ’n kommando in die Ossewabrandwag, met Van Niekerk sy lyfwag[1] Vir jare werk hy in Johannesburg, maar die veld se roep is te sterk en hy bedank sy werk om vir hom ’n veeplasie naby Namutoni in Suidwes-Afrika te koop. In 1953 trou hy met Anneke Rossouw en hulle vestig hulle met hulle kinders in Pretoria. Hy behaal sy Meestersgraad en is dan vanaf 1963 as dosent in die Departement Volkekunde aan die Universiteit van Suid-Afrika verbonde, waar hy mettertyd tot professor bevorder word. Vir geruime tyd doen hy regsnavorsing onder die Tswana. Sy vrou was hoofsaaklik verantwoordelik vir die ontdekking van 'n interessante argeologiese werkplaas te Kolobeng in Botswana. Later trou hy met Susan de Wit (néé Saaiman). Op 2 Februarie 2001 is hy oorlede.
Skryfwerk[wysig | wysig bron]
Sy “Ver is die swerwer se horison”[2] speel in Suidwes-Afrika af en bevat verhale, sketse en anekdotes oor die veld en die dierelewe in Namibië, waarin hy veral die atmosfeer en stemming in die natuur oproep.[3] Van die mees geslaagde sketse in die bundel handel oor die inwoners van hierdie gebied, die San en die inheemse swart volke.
Publikasies[wysig | wysig bron]
| Jaar | Publikasies |
|---|---|
| 1964 | Ver is die swerwer se horison |
Bronne[wysig | wysig bron]
Boeke[wysig | wysig bron]
- Kannemeyer, J.C. “Geskiedenis van die Afrikaanse literatuur 2” Academica, Pretoria, Kaapstad en Johannesburg Eerste uitgawe Eerste druk 1983
- Schoeman, P.J. “Geliefde ou Afrika-vriende 2” Perskor-Uitgewery Johannesburg Eerste uitgawe 1976
- Van Coller, H.P. (red.) “Perspektief en Profiel Deel I” J.L. van Schaik-Uitgewers Pretoria Eerste uitgawe 1998
- Van Niekerk, Bill J. “Ver is die swerwer se horison” Voortrekkerpers Beperk Johannesburg Sesde druk 1971
Verwysings[wysig | wysig bron]
Normdata  |
|
|---|