Brian Eno

in Wikipedia, die vrye ensiklopedie
Jump to navigation Jump to search
Brian Eno
Brian Eno 2008.jpg
Brian Eno in 2008
GeboortenaamBrian Peter George Eno
Geboorte(1948-05-15)15 Mei 1948
Woodbridge, Suffolk, Verenigde Koninkryk
Beroep(e)Musikant, komponis, musiekvervaardiger, sanger en visuele kunstenaar
Genre(s)Eksperimente rockmusiek · elektroniese musiek · art pop · minimal music · generative music · glam rock · art rock
Instrument(e)Sintetiseerder · klavier · klawerbord · stem · orrel · saksofoon · kitaar · baskitaar
Aktiewe jare1970–
EtiketteIsland · Polydor · EG · Obscure · Opal · Virgin · Astralwerks · All Saints Records · Rykodisc · Warner Bros. · War
Webwerfbrian-eno.net
AssosiasiesRoxy Music · Robert Fripp · Harold Budd · David Bowie · Talking Heads · Jon Hassell · Cluster · Devo · David Byrne · U2 · Ultravox · Robert Wyatt · 801 · Coldplay · Genesis · Damon Albarn · Karl Hyde · Fred Frith
Portal.svg Musiekportaal

Brian Peter George St. John le Baptiste de la Salle Eno ([ˈiːnoʊ], * 15 Mei 1948 in Woodbridge, Suffolk, Engeland as Brian Peter George Eno), bekend as Brian Eno of kort Eno, is 'n Engelse musikant, komponis, musiekvervaardiger, sanger en visuele kunstenaar wat bekendheid verwerf het as een van die voorste vernuwers van ambient music.

Eno het sy akademiese opleiding onder Roy Ascott by die Ipswich Civic College ontvang en vervolgens aan die Colchester Institute se kunsskool in Essex, Engeland gestudeer waar hy sy inspirasie in minimalistiese skilderkuns, kubernetiek en eksperimentele musikale tegnieke gevind het. In die vroeë 1970's het hy as sintetiseerderspeler by die musiekgroep Roxy Music aangesluit.

Roxy Music het binnekort groot sukses in die glam rock-musiekgenre behaal, maar Eno het geleidelik moeg geraak vir konserttoere en sy geskille met die groep se hoofsanger Bryan Ferry. In 1973 het Eno die groep verlaat om 'n reeks vernuwende langspelers op te neem waarop hy met verskillende musiekstyle geëksperimenteer en 'n baanbreker vir ambient music geword het.