Bristol Bulldog
| Bristol Bulldog | |
|---|---|
 | |
| Tipe | Vegvliegtuig |
| Vervaardiger | Bristol Aeroplane Company |
| Ontwerp deur | Frank Barnwell |
| Nooiensvlug | 17 Mei 1927 |
| Bekendstelling | 1929 |
| Onttrek | 1937 |
| Status | Onttrek |
| Hoofgebruikers | Britse Lugmag Koninklike Australiese Lugmag Finse Lugmag |
| Aantal gebou | 443 |
Die Bristol Bulldog was 'n enkelsitplek, dubbeldekker-vegvliegtuig wat deur die Britse Lugmag gebruik is tussen die twee Wêreldoorloë. Hierdie vliegtuig is ontwikkel na aanleiding van 'n spesifikasie van die Britse Lugministerie wat 'n enkelsitplekdag-en-nag vegter met twee Vickers-masjiengewere gespesifiseer het. Die Merk I is gebou vir ontwikkeling en Merk II het die Armstrong Whitworth Siskin's en Gloster Gamecock's vervang. Die eerste Bulldogs is in Junie 1929 aan 3 Eskader te Upavon toegedeel.
Die hele raamwerk was van metaal wat met 'n styfgespande doekstof oorgetrek is. Die stertwiel het 'n skokbreker gehad; daar was suurstof vir die vlieënier beskikbaar, asook 'n kortgolftweerigtingradio. 'n Tweesitplek-opleidingsvliegtuig is ook gebou.
Teen 1932 was 10 eskaders reeds toegerus met die Bulldog; dit was die standaardvegvliegtuig tot in 1936. Die 312 vliegtuie in gebruik was op daardie stadium sowat 70% van Brittanje se lugverdedigingsvermoë. Die laaste Bulldog is in 1937 uit aktiewe diens onttrek en vervang met die Gloster Gauntlet.
'n Groot aantal van hierdie vliegtuie is na Australië, Denemarke, die destydse Siam, Swede, Estland en Finland uitgevoer.
Tegniese besonderhede
[wysig | wysig bron]| Item | Statistiek |
|---|---|
| Aantal motore | 1 |
| Tipe motor | Skroef |
| Vervaardiger | Bristol Jupiter stermotor |
| Kraglewering per motor | 440 perdekrag |
| Vlerkspan | 10,34 m |
| Lengte | 7,62 m |
| Hoogte | 3,0 m |
| Vlerkoppervlakte | 28,47 m2 |
| Maks. opstygmassa | 1 583 kg |
| Maks. snelheid | 280 km/h |
| Operasionele hoogte | 8 230 m |
| Togafstand | 443 km |
| Klimvermoë | 6 096 m in 14½ minute |
| Bewapening | Twee gesinchroniseerde Vickers-masjiengewere voor. |
Sien ook
[wysig | wysig bron]Bronnelys
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9
| Normdata: Nasionaal |
|---|
