Broeton-eiland

in Wikipedia, die vrye ensiklopedie
Jump to navigation Jump to search
Broeton-eiland
Eiland van die Koerile
'n Satellietfoto van Broeton-eiland.
'n Satellietfoto van Broeton-eiland.
Kuriles Broutona.PNG
Ligging See van Ochotsk
Plaaslike naam Остров Броутона
武魯頓島
Argipel Koerile
Oppervlakte 7 km2
Hoogste punt 801 m
Land Vlag van Rusland Rusland
Deelgebied Sachalin-oblast
Bevolking 0

Broeton-eiland (Russies: Остров Броутона, Ostrof Broetona; Japannees: 武魯頓島, Buroton-tō) is 'n onbewoonde vulkaniese eiland naby die middel van die Koerile-argipel in die See van Ochotsk, noordwestelike Stille Oseaan. Dit val in die Sachalin-oblast van Rusland.

Beskrywing[wysig | wysig bron]

Die eiland is genoem na William Robert Broughton, 'n Britse skeepskaptein wat baie van die Koerile-eilande tydens sy seereise in die 18de eeu karteer het. Die oorspronklike naam, van die inheemse taal Ainoe, was Makanroeroe, wat rofweg beteken "eiland in 'n sterk stroom".

Broeton-eiland het 'n rofweg ronde vorm, met 'n oppervlakte van 7 km .[1] Dit is geleë sowat 17 km noordwes van die twee eilande bekend as Tsjirpoi en Tsjirpoi se Broer.

Die eiland bestaan uit 'n rustende of uitgedoofde stratovulkaan wat 801 m bo die seevlak uitrys. Die berg het nog nie in historiese tye uitgebars nie. Die eiland het steil kranse en geen sanderige strande nie, wat dit moeilik en gevaarlik maak om te land, selfs wanneer die water kalm is.

Verwysings[wysig | wysig bron]

  1. "International Kuril Island Project(IKIP)". University of Washington Fish Collection or the respective authors. Geargiveer vanaf die oorspronklike op 2013-07-23. Besoek op 2010-05-25.

Skakels[wysig | wysig bron]