Bruno Taut

Bruno Taut
Bruno Taut omstreeks 1910
Gebore	Bruno Julius Florian Taut 4 Mei 1880 Koningsberg, Koninkryk Pruise, Duitse Keiserryk
Sterf	24 Desember 1938 (op 58) Istanboel, Turkye
Nasionaliteit	Duits
Beroep	argitek
Eggenoot	Klara Hidleburg (1917–1919)
Kinders	Gustaf von Hidleburg (* 1918)
Ouer(s)	Julius Taut

Hufeisensiedlung in Berlyn-Britz

Bruno Julius Florian Taut (* 4 Mei 1880 in Koningsberg; † 24 Desember 1938 in Istanboel) was 'n Duitse argitek en stadsbeplanner.

As een van die verteenwoordigers van die Modernistiese argitektuurstroming (Duits Neues Bauen) het hy veral met groot residensiële woonprojekte soos die Hufeisensiedlung ("Hoefysterbuurt") in Berlyn-Britz en Onkel Toms Hütte in Berlyn-Zehlendorf bekendheid verwerf. Bruno Taut het vanaf 1909 met Franz Hoffmann in 'n gemeenskaplike argitekteburo saamgewerk. In 1912 het ook sy jonger broer Max Taut (1884-1967), wat later veral met sy kantoorgeboue in die Nuwe Saaklikheid-boustyl bekendheid sou verwerf, tot dié onderneming toegetree.