Cameron Mackenzie

in Wikipedia, die vrye ensiklopedie
Jump to navigation Jump to search
Cameron Mackenzie
Cameron Mackenzie

Adjunk-skaduminister van kommunikasie en digitale tegnologieë
Ampsbekleër
Termynaanvang
5 Junie 2019
Leier John Steenhuisen
Mmusi Maimane

Adjunk-skaduminister van telekommunikasie en poswese
Ampstermyn
5 Junie 2014 – 5 Junie 2019
Leier Mmusi Maimane

Ampsbekleër
Termynaanvang
21 Mei 2014

Persoonlike besonderhede
Gebore 12 Augustus 1960 (1960-08-12) (60 jaar oud)
Politieke party Demokratiese Alliansie
Eggenoot/-note Lisa
Kind(ers) 3

Cameron Mackenzie (gebore 12 Augustus 1960) is 'n Suid-Afrikaanse politikus en parlementslid in die Nasionale Vergadering vir die Demokratiese Alliansie. Mackenzie is ook die adjunk-skaduminister van kommunikasie en digitale tegnologieë.

Vroeë lewe en opvoeding[wysig | wysig bron]

Hy is die seun van Donald en Jeanne Mackenzie van Inverness, Skotland, en was 'n graadverteenwoordiger in die leerlingraad van sy hoërskool.[1] Hy het geweier om by die Suid-Afrikaanse Weermag vir verpligte diensplig aan te sluit en het daarom die land verlaat. By sy teruggekeer in 1990 het hy by die politiek betrokke geraak en in 1992 na die Boipatong-slagting by die ANC aangesluit.[2] Mackenzie verlaat die politiek later uit protes oor die wapenaankoopskandaal in 1996. Hy het 'n baccalaureusgraad in Kommunikasiewetenskappe aan die Universiteit van Suid-Afrika behaal, asook verskeie sertifikate.

Politieke loopbaan[wysig | wysig bron]

Voor die munisipale verkiesing in 2006 het Mackenzie besluit om as onafhanklike wyksraadkandidaat in die Stad Johannesburg op te staan.[1] Hy het die persepsie gehad dat die Demokratiese Alliansie 'n party vir 'slegs ryk wit mense' was. Nadat hy met die plaaslike DA-raadslid, John Mendelsohn, gesels het en na 'n toer deur een van Johannesburg se meer as 180 informele sinkplaat-nedersettings, het Mackenzie besluit om by die party aan te sluit. Hy het vanaf 2006 op sy wykskomitee gedien totdat hy in 2009 as DA-PR-raadslid ingesweer is.

Mackenzie het in die algemene verkiesing in 2014 'n parlementêre kandidaat vir die party geword. Hy het 42ste op die DA se nasionale lys verskyn en dus vir 'n setel in die parlement gekwalifiseer, aangesien die DA sy status as amptelike opposisie behou het.[3] Kort hierna word hy deur DA-leier Mmusi Maimane aangestel as adjunkskaduminister van telekommunikasie en poswese.[4]

Mackenzie is herkies tot die parlement tydens die algemene verkiesing in 2019 en word deur Maimane aangestel as adjunkskaduminister van kommunikasie en digitale tegnologie. Hy is in Desember 2020 weer deur die nuutverkose DA-leier, John Steenhuisen, in sy skadukabinet aangestel.[5]

Persoonlike lewe[wysig | wysig bron]

MacKenzie is getroud met Lisa, en hulle het twee dogters, Emma en Andrea, en 'n seun, Thorne.  Op 7 Januarie 2020 is Mackenzie geskiet tydens 'n roofpoging in Dainfern, Johannesburg. Na 'n operasie het MacKenzie byna ten volle herstel.[6]

Verwysings[wysig | wysig bron]

  1. 1,0 1,1 "Mr Cameron Mackenzie (DA)". People's Assembly. Besoek op 11 Februarie 2021.
  2. "Truth Commission - Special Report - Volume 2, Chapter 4". sabctrc.saha.org.za. Besoek op 11 Februarie 2021.
  3. "2014 elections: List of DA MPs elected to the National Assembly". Politicsweb. Besoek op 11 Februarie 2021.
  4. Maimane, Mmusi. "The DA's shadow cabinet - Mmusi Maimane". Politicsweb. Besoek op 11 Februarie 2021.
  5. Mazzone, Natasha. "DA announces new Shadow Cabinet that will bring Real Hope and Real Change". Democratic Alliance. Besoek op 19 January 2021.
  6. "MP Cameron Mackenzie undergoes surgery after being shot in Dainfern attempted robbery". TimesLIVE (in Engels). Besoek op 2021-01-26.