Canal Walk

in Wikipedia, die vrye ensiklopedie
Jump to navigation Jump to search
Die Canal Walk-winkelsentrum in Kaapstad.

Canal Walk is 'n winkelsentrum in Kaapstad wat rondom 'n kanaal gebou is. Die inkopiesentrum is in 2000 geopen en het 'n totale kleinhandelarea van 141 000 vierkante meter. Dit vorm die hart van 'n ontwikkeling, bekend as Century City, wat kantoorblokke, woongebiede en die Ratanga Junction-temapark insluit. Dit is een van die grootste winkelsentrums in Afrika.[1]

Die gebou se styl is deur die ontwikkelaars as "Kaapse Venesiaanse argitektuur" beskryf. Dit bevat meer as 400 winkels, 7000 parkeerplekke, talle restaurante, 20 teaters en 'n spelarkade.[2]

Canal Walk is die 3de grootste winkelsentrum in Afrika. Die Gateway-sentrum in Durban is die grootste. Selfs die Sandton City-kompleks in Johannesburg is groter as die Nelson Mandela-plein daarby ingesluit word.

Op 1 Junie 2016 is aangekondig dat die temapark nader aan 2018 sal sluit, omdat die park nie so winsgewend is as toe dit in 2000 geopen is nie.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Stores – Canal Walk”. Canal Walk. URL besoek op 25 Februarie 2014.

Eksterne skakels[wysig | wysig bron]

Koördinate: 33°53′35″S 18°30′40″O / 33.89306°S 18.51111°O / -33.89306; 18.51111