Canopus

in Wikipedia, die vrye ensiklopedie
Jump to navigation Jump to search
'n Beeld van Canopus deur Expedition 6
Canopus, soos uit Tokio, Japan gesien, waar dit baie laag bo die suidelike horison verskyn. Die waarnemingsligging is op breedtegraad 35°38′N.

Canopus (ook bekend as Alpha Carinae of α Car) is die helderste ster in die suidelike sterrebeeld Kiel (Carina). Dit is ook die tweede helderste ster soos van die Aarde gesien, naas Sirius. Canopus se skynbare magnitude is -0,72, en dit het 'n absolute magnitude van -5,53.

Canopus is 'n helder reus van spektraaltipe A9 II, hoewel dit voorheen ook as F0Ib geklassifiseer is (Ib verwys na 'n "minder helder superreus") op grond van Canopus se groot ligsterkte. Dit is wit wanneer dit met die blote oog waargeneem word. Canopus kom voor in die verre suidelike hemelruim, by deklinasie -52° 42' (2000) en regte klimming 06h24.0m.[1]

Verwysings[wysig | wysig bron]

  1. Databasis inskrywing vir Canopus”. SIMBAD, Centre de Données astronomiques de Strasbourg. URL besoek op 2008-02-05.