Cape Maclear

in Wikipedia, die vrye ensiklopedie
Jump to navigation Jump to search
Cape Maclear

Chembe
Otter Point, Cape Maclear (Malawi).jpg
Cape Maclear is in Malawi
Cape Maclear
Cape Maclear
Koördinate: 14°01′S 34°51′O / 14.017°S 34.850°O / -14.017; 34.850Koördinate: 14°01′S 34°51′O / 14.017°S 34.850°O / -14.017; 34.850
LandVlag van Malawi Malawi
StreekSuidelike Streek
DistrikMangochi
TydsoneUTC+02:00 (SAST)

Cape Maclear, of Chembe, is ’n dorp in die Mangochi-distrik van Malawi se Suidelike Streek. Die nedersetting op die Nankumba-skiereiland lê aan die suidelike oewer van die Malawimeer naby die Domwe- en die Thumbwe-eiland[1] en is die besigste oord aan die meer.[2] Dit val in die Malawimeer Nasionale Park.

Geskiedenis[wysig | wysig bron]

Sonsondergang op Cape Maclear.

Voor die koms van Skotse sendelinge was die gebied onder beheer van die Moslemse Yao-volk.[3] Die sendeling en ontdekkingsreisiger David Livingstone het in 1859 die kaap bereik en dit "Cape Maclear" genoem, na sy vriend die sterrekundige Thomas Maclear aan die Kaap die Goeie Hoop.[4][5] In Oktober 1875 is ’n nuwe sendingstasie, "Livingstonia", deur Skotse sendelinge gestig.[6][7]

Hoewel Cape Maclear ’n goeie hawe gehad het, het die onvrugbare grond in die gebied en die voorkoms van die tsetsevlieg beteken ’n meer geskikte terrein moes gevind word.[8] Die sendelinge het in 1882 geskuif na Bandawe, naby Chintheche.[9] Daar is steeds sendelinggrafte op Cape Maclear.[10]

Natuurlewe[wysig | wysig bron]

Die strand op Cape Maclear.

Cape Maclear en sy eilande, woude en baai is in 1980 tot ’n nasionale park verklaar met die naam Malawimeer Nasionale Park, die eerste nasionale varswaterpark in die wêreld.[11] In 1984 het dit ’n Unesco-wêrelderfenisgebied geword.[12]

Verskeie voëlsoorte kom voor, onder meer die visvanger.[13] Daar is ’n museum oor die vorming van die Malawimeer en sy natuurlewe.[1]

Toerisme[wysig | wysig bron]

Die dorp is ’n "groot toeristebestemming"[14] en die besigste oord aan die meer.[2] Daar is kroeë, restaurante, lodges en gastehuise,[15] onder meer ’n lodge op Maleri-eiland in die meer.[16]

Die gebied is veral gewild onder rugsakstappers.[17] Bedrywighede sluit in snorkelduik, stap, boot- en kajakvaarte.

Gesondheidsorg[wysig | wysig bron]

Daar is ’n mediese kliniek op Cape Maclear. Die Billy Riordan-gedenkkliniek is in 2004 gestig en bied behandeling vir siektes soos disenterie, bilharzia en malaria. Mags Riordan, wat die kliniek gestig het, is die ma van ’n man wat in 1999 naby Cape Maclear in die Malawimeer verdrink het.[18][19]

Bilharzia kom algemeen hier voor; drie keer meer as op ander plekke aan die Malawimeer.[20]

Verwysings[wysig | wysig bron]

  1. 1,0 1,1 Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 201. ISBN 1-74059-745-1. Besoek op 2008-06-24.
  2. 2,0 2,1 Rogers, Douglas (2001-02-05). "Malawi: On a mission in Africa (2)". The Daily Telegraph. Besoek op 2008-06-24.
  3. Good, Charles M. (2000). The Steamer Parish: The Rise and Fall of Missionary Medicine on an African. University of Chicago Press. p. 62. ISBN 0-226-30281-4. Besoek op 2008-06-24.
  4. Bass, Thomas A. (1990). Camping with the Prince and Other Tales of Science in Africa: And Other. Houghton Mifflin. p. 94. ISBN 0-395-41502-0. Besoek op 2008-06-24.
  5. Livingstone, David (1865). Narrative of an Expedition to the Zambesi and Its Tributaries: And of the. J. Murray. p. 368. Besoek op 2008-06-24.
  6. Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 160. ISBN 1-74059-745-1. Besoek op 2008-06-24.
  7. Good, Charles M. (2000). The Steamer Parish: The Rise and Fall of Missionary Medicine on an African. University of Chicago Press. p. 61. ISBN 0-226-30281-4. Besoek op 2008-06-24.
  8. The American missionary. Cornell University. 1879-02-01. Besoek op 2008-06-24.
  9. "The American missionary". Cornell University. 1882-07-01. Besoek op 2008-06-24.
  10. Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 202. ISBN 1-74059-745-1. Besoek op 2008-06-24.
  11. Fischer, Andreas (2007-06-30). "Das "warme Herz Afrikas" liegt im Süden (1)". Hamburger Abendblatt. Besoek op 2008-06-24.
  12. Bass, Thomas A. (1990). Camping with the Prince and Other Tales of Science in Africa: And Other. Houghton Mifflin. p. 93. ISBN 0-395-41502-0. Besoek op 2008-06-24.
  13. Riley, Laura; Riley, William (2005). Nature's Strongholds: The World's Great Wildlife Reserves. Princeton University Press. p. 100. ISBN 0-691-12219-9. Besoek op 2008-06-24.
  14. Chimwala, Marcel (2005-05-20). "Malawi scouts investors for tourism initiative..." Engineering News. Besoek op 2008-06-24.
  15. "Cape Maclear, Malawi Hotel Deals". Trip Advisor (in Engels). Geargiveer vanaf die oorspronklike op 29 November 2017. Besoek op 13 April 2016.
  16. "Blue Zebra Island Lodge - Maleri Island". Trip Advisor. Besoek op 2016-04-13.
  17. Walters, Joanna (8 Junie 2003). "Take the plunge in the lake of stars". The Observer (in Engels). Geargiveer vanaf die oorspronklike op 13 Januarie 2013. Besoek op 24 Junie 2008.
  18. Collins, Dr. Martina (2008-06-10). "Life as a GP in Malawi —the warm heart of Africa". Irish Medical Times. Besoek op 2008-06-24.
  19. "GPs needed for Malawi project". Irish Medical Times. Besoek op 2008-06-24.
  20. Dawood, Richard M. (2002). Travellers' Health: How to Stay Healthy Abroad. Oxford University Press. p. 108. ISBN 0-19-262947-6. Besoek op 2008-06-24.

Eksterne skakels[wysig | wysig bron]