Cape Party
| Cape Party | |
| CAPE | |
| Leier | Jack Miller |
|---|---|
| Gestig | 2007 |
| Hoofkwartier | Cavendish Close Office G Warwickstraat Claremont Kaapstad |
| Ideologie | Direkte demokrasie Kaapse afstigting Vrye markte |
| Amptelike kleure | Blou en rooi |
| Webblad | www |
Die Cape Party (CAPE) is 'n politieke party in Suid-Afrika wat poog om alle grondwetlike en wettige middele te gebruik om onafhanklikheid vir die Wes-Kaap, Noord-Kaap (met uitsondering van twee distrikte)[1], ses munisipaliteite in die Oos-Kaap, en een munisipaliteit in die Vrystaat, teweeg te bring.[2] Die gebied sluit alle munisipaliteite in dié provinsies in met 'n Afrikaanssprekende meerderheid. In 2009 het dit 'n ledetal van ongeveer 1000 mense regoor Suid-Afrika gehad, wat teen 2017 tot meer as 10 000 gegroei het.[3]
In 'n publikasie van die Bolandse koerant het die regsverteenwoordiger van die Cape party-advokaat Carlo Viljoen beweer dat die Cape party ondersteuners van alle sektore van die Kaaplander-samelewing het en dat die Cape party in 2018 alleen met meer as 10 000 gegroei het.[4]
Die Cape Party is by die Onafhanklike Verkiesingskommissie geregistreer en was op die provinsiale stemming van die Wes-Kaap in die Suid-Afrikaanse algemene verkiesing van 2009,[5] waar die party 2552 stemme ontvang het.[6] Die party het weer aan die munisipale verkiesing in 2016 deelgeneem[7] en 4 473 stemme ontvang.
Gedurende November 2017 het die party deelgeneem aan tussenverkiesings vir die Brackenfell-wyk, waarin dit 18,72% van die stemme ontvang het en in die tweede plek, na die Demokratiese Alliansie, kom.[8]
Gedurende Desember 2018 het die party weer deelgeneem aan die tussenverkiesings vir die Saldanha-wyk, waarna dit weer in die tweede plek, ná die Demokratiese Alliansie, en voor die ANC gekom het.[9]
Gedurende Februarie 2019 het die party tweede plek, ná die Demokratiese Alliansie, voor die ANC, in die Seepunt tussenverkiesing gekom.[10]
Die party betwis slegs die 2019 Suid-Afrikaanse algemene verkiesing op provinsiale vlak in die Wes Kaap.
Verwysings[wysig | wysig bron]
- ↑ "CitizenX: Cape Party Manifesto". CitizenX. Geargiveer vanaf die oorspronklike op 11 March 2012. Besoek op 2010-09-07.
- ↑ "FAQs". Cape Party. Geargiveer vanaf die oorspronklike op 25 April 2009. Besoek op 2010-02-08.
- ↑ "Cape must secede from SA" (in Engels). Independent Online. 25 Maart 2009. Geargiveer vanaf die oorspronklike op 28 September 2017. Besoek op 10 Julie 2017.
- ↑ Editor, Letter to the (2018-09-05). "Cape Party not racist". Bolander Lifestyle (in Engels). Besoek op 2019-02-22.AS1-onderhoud: ekstra teks: authors list (link)
- ↑ "Final List of Parties to contest the 2009 Elections" (in Engels). Polity.org.za. 11 Maart 2009. Geargiveer vanaf die oorspronklike op 25 April 2019. Besoek op 13 April 2009.
- ↑ "Final Results for Western Cape Elections". politicsweb.co.za. 25 April 2009. Besoek op 2010-02-08.
- ↑ "Cape Party to Keep Fighting – Western Cape – IOL" (in Engels). Independent Online. 25 Maart 2011. Geargiveer vanaf die oorspronklike op 13 November 2012. Besoek op 14 April 2011.
- ↑ "IEC Results Dashboard". www.elections.org.za. Besoek op 2018-06-18.
- ↑ http://www.elections.org.za/content/pages/reports/ReportHandler.aspx?lReportID=1&lEEID=767&i=1&columns=1000&WardID=10104005&sReportName=BYELEC_Detailed&sFormat=PDF
- ↑ "Electoral Commission : News Article". www.elections.org.za (in Engels). Geargiveer vanaf die oorspronklike op 5 Mei 2019. Besoek op 22 Februarie 2019.
Eksterne skakels[wysig | wysig bron]
| Hierdie artikel is in sy geheel of gedeeltelik vanuit die Engelse Wikipedia vertaal. |
