Capitol

in Wikipedia, die vrye ensiklopedie
Spring na: navigasie, soek
Voorkant van die Capitol-gebou.
Die Capitol vanuit die suidweste gesien.
Die Capitol snags.

Die Capitol (of Kapitool[1]) is die gebou in die Amerikaanse hoofstad Washington, D.C. waar die Amerikaanse Kongres vergader. Dit is ook as die Kongresgebou bekend en is die setel van die land se wetgewende gesag.[2]

Die Amerikaanse Kongres, wat hier byeenkom, bestaan uit die Amerikaanse Senaat (verteenwoordiging van twee senatore per deelstaat) sowel as die Amerikaanse Huis van Afgevaardigdes (proporsionele verteenwoordiging na grootte van die deelstaat). Die Capitol is deur die National Mall van die Withuis geskei, om simbolies die skeiding met die uitvoerende mag (die president) aan te dui.

Die Capitol is 'n verwysing na die staatsmag van klassieke Rome, waar die Capitol die belangrikste van die sewe heuwels was, waarop die tempel van Juno gestaan het en daar oor die Romeinse munt gewaak het.

Bouwerk aan die Capitol het op 18 September 1793 begin. George Washington (geklee as 'n vrymesselaar) het die hoeksteen tydens 'n seremonie gelê. Die gebou is sterk deur Romeinse argitektuur en masoniese simboliek beïnvloed. Slawe is vir die aanvanklike bouwerk ingespan.[3] Die Senaatsgedeelte is in 1800 afgelewer, terwyl die gedeelte vir die Huis van Afgevaardigdes eers in 1811 gereed was. Die gebou is egter tydens die Oorlog van 1812 deur die Britte verwoes. Herstelwerk begin in 1815 en duur 15 jaar. Die herbou is deur die argitek Benjamin Latrobe gelei. In 1850 is dit verder uitgebrei.

Die Capitool is opvallend in die neoklassieke styl gebou. Ander neoklassieke geboue in Washington D.C. sluit in die Lincoln-monument en die Withuis. In die middel van die gebou is 'n koepel met 'n deursnee van ongeveer 30 meter. Hierdie koepel van gietyster is in 1863 voltooi en het 'n veel kleiner houtkoepel uit 1812 vervang. In die Capitol is borsbeelde van persone wat verdienstelik vir die Verenigde State was, almal Amerikaners, met uitsondering van die Belg Pater Damiaan.

Verwysings[wysig | wysig bron]

  1. HAT, tweede uitgawe, sesde druk, 1987
  2. HAT Taal-en-feitegids, Pearson, Desember 2013, ISBN 978-1-77578-243-8
  3. (nl) Zwarte slaven geëerd voor bouw Capitool, NOS, 17 Junie 2010

Eksterne skakels[wysig | wysig bron]

Koördinate: 38°53′23.43″N 77°00′32.94″W / 38.8898417°N 77.0091500°W / 38.8898417; -77.0091500