Carlo Gambino

in Wikipedia, die vrye ensiklopedie
Jump to navigation Jump to search
Carlo Gambino
’n Beeld van die betrokke persoonlikheid.
Carlo Gambino in die 1930's

Bynaam "Don Carlo"; "The Godfather"
Geboortenaam Carlo Gambino
Gebore 24 Augustus 1902
Palermo, Sisilië, Italië
Oorlede 15 Oktober 1976 (op 74)
Massapequa, New York, VSA
Nasionaliteit Vlag van Italië Italië; Vlag van Verenigde State van Amerika Verenigde State
Beroep Gangster, dranksmokkelaar, afperser, baas van die Gambino-familie
Religie Rooms-Katolieke Kerk
Huweliksmaat Catherine Castellano
Kind(ers) Thomas Gambino; Joseph Gambino; Carlo Gambino; Phyllis Sinatra
Carlo Gambino signature.svg

Carlo Gambino (24 Augustus 190215 Oktober 1976) algemeen bekend as Don Carlo Gambino was 'n berugte Amerikaanse bendeleier en baas van die Gambino-mafia-familie. Na afloop van die Apalachin Konvensie 1957 het hy onverwags beheer van die Kommissie van die Amerikaanse Mafia oorgeneem. Gambino was bekend vir die feit dat 'n lae profiel gehou het en geheimsinnig opgetree het. In 1937 is Gambino skuldig bevind aan belastingontduiking, maar sy vonnis was opgeskort. Hy het op die ouderdom van 74 in sy bed gesterf aan 'n hartaanval. Volgens 'n priester wat hom die Laaste Ritueële van die Katolieke Kerk gegee het, was hy in "'n genadetoestand" toe hy gesterf het. Hy het twee broers gehad, waarvan een Gaspare Gambino was, en nooit by die mafia betokke was nie. Hy moet nie verwar word met 'n ander Gaspare Gambino wat 'n maffialid in Palermo was nie. Die ander broer was Paolo Gambino, wat 'n groot rol in familie van sy broer gespeel het.

Geboorte en vroeë lewe[wysig | wysig bron]

Carlo Gambino is gebore in die stad van Palermo, Sicilië, in 1902, uit 'n gesin wat aan die Honoured Society behoort het. Gambino het in sy tienerjare begin om moordbestellings vir die mafiabase uit te voer. In 1921, op die ouderdom van 19, het hy 'n "gemaakte man" geword en is ingelyf in Cosa Nostra. Hy was later bekend as 'n "oorspronklike". Hy was die swaer van die Sisiliaanse Gambino-familie bendelid Paul Castellano.

Emigrasie na die VSA[wysig | wysig bron]

Gambino het die Verenigde State van Amerika op 23 Desember 1921, by Norfolk, Virginia, binnegegaan, die enigste passasier aan boord van die skip SS Vincenzo Florio. Hy was 'n onwettige immigrant,[1] en het slegs ansjovis geeët en wyn gedrink tydens die maandlange reis na die VSA, waar hy sy neefs, die Castellanos, in New York City ontmoet het. Daar het hy by 'n misdaadgesin onder leiding van Salvatore "Toto" D'Aquila, een van die groter families misdaad in die stad, aangesluit. Gambino se oom, Giuseppe Castellano, het ook in daardie tyd by die D'Aquila-familie aangesluit.

Gambino het ook by die "Young Turks" aangesluit, 'n groep wat uit Italiaans- en Joods-Amerikaanse mafias in New York bestaan het. Die groep het ook ander bekende mafialede gehad soos Frank "The Prime Minister" Costello, Albert "Mad Hatter" Anastasia, Frank Scalice, Settimo Accardi, Gaetano "Tommy Three-Finger Brown" Lucchese, Joe Adonis, Vito Genovese, Meyer Lansky, Benjamin "Bugsy" Siegel, Mickey Cohen, en Charles "Lucky" Luciano, wie later een van die magtigste mafiabase geword het. Die bende het betrokke geraak in roof, diefstal, en onwettige dobbel. Later het hulle met hul nuwe vennoot, Arnold "The Brain" Rothstein, in dranksmokkelary betrokke geraak tydens die drankverbod in die vroeë 1920's. Gambino het ook 'n aansienlike wins gemaak tydens die Tweede Wêreldoorlog, toe hy rantsoenseëls, wat hy deur omkopery bekom het, op die swartmark verkoop het.

Verwysings[wysig | wysig bron]

Hierdie artikel is grootliks vertaal vanaf die Engelse Wikipedia-artikel en:Carlo Gambino
  1. Davis, John (1993). Mafia Dynasty. New York: Harper Collins. p. 27. ISBN 0-06-016357-7.