Carlton-sentrum

in Wikipedia, die vrye ensiklopedie
Jump to navigation Jump to search
Die Carlton-sentrum in Commisionerstraat 150, Johannesburg
Die binnestad van Johannesburg, soos vanaf die Carlton-sentrum gesien

Die Carlton-sentrum is 'n 50-verdieping hoë wolkekrabber in Johannesburg, Suid-Afrika.[1] Met 'n hoogte van 223 meter is dit een van die hoogste wolkekrabbers in die Suidelike Halfrond en die hoogste in Afrika.[2] Naas die Hillbrow-toring en die Sentech-toring is dit Suid-Afrika se derde hoogste gebou. Die sentrum, wat deur die Amerikaanse argitekte-ateljee Skidmore, Owings and Merrill in die brutalistiese styl ontwerp is[3], is in 1973 deur Murray & Roberts voltooi en was destyds die hoogste gebou in die Suidelike Halfrond.

Hierdie kantoorgebou het 23 hysbakke en bied 'n totale oppervlakte van 68 055 vierkante meter. 'n Ondergrondse winkelsentrum met meer as 180 winkels verbind die gebou met die Carlton Hotel, wat op 1 Oktober 1972 amptelik geopen en ná 'n kwarteeu, in 1997, weens veiligheidskwessies gesluit is,[4] maar intussen ook nie meer aan die vereistes vir 'n moderne luukse hotel sou voldoen nie. So word sy kamers as te klein beskou.

Geskiedenis[wysig | wysig bron]

Die Carlton-sentrum is deur die Amerikaanse argiteksfirma Skidmore, Owings and Merrill LLP (SOM) in Chicago in samewerking met die Johannesburgse praktyk W. Rhodes - Harrison Hoffe & Partners ontwerp. Anglo American Properties het in die laat 1960's met konstruksie begin deur die ou Carlton Hotel af te breek en paaie daarheen af te sper.[5] Opgrawings vir die gebou het in Januarie 1967 begin en is twee jaar later voltooi. Hoewel die sentrum vanaf 1971 beset is, is die konstruksie eers in 1974 voltooi. Die gebou is amptelik in 1973 teen 'n totale koste van meer as R88 miljoen geopen.[6]

Die gebou dien as die hoofkantoor van Transnet, wat dit in 1999 teen skrale R33 miljoen van Anglo American Properties gekoop het. In Junie 2007 het Transnet se uitvoerende hoof aangekondig dat die maatskappy die eiendom wil verkoop.[7] Met die ekonomiese afswaai wat in 2008 begin het, is aangekondig dat hulle nie 'n koper sal soek voordat die markte herstel het nie.

Alhoewel Transnet nie die vervangingskoste van die gebou verskaf het nie, word dit op R1.5 miljard geraam.[8]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. skyscrapercenter.com, besoek op 3 Junie 2017]
  3. brutalism.online: Carlton Centre, Johannesburg, South Africa. Besoek op 3 April 2018
  4. "The Carlton Hotel". The Carlton Hotel (in Engels). Besoek op 2010-10-12. 
  5. "History". Transnet. Geargiveer vanaf die oorspronklike op 27 September 2008. Besoek op 2008-12-09. 
  6. Johannesburg Landmarks "Johannesburg Landmarks: Carlton Centre" Check |url= value (help). Rodney Jones. Besoek op 2012-02-21. 
  7. Terence Creamer (29 June 2009). "Parastatals should contribute to housing obligations". polity.org.za. Besoek op 2012-02-21. 
  8. Ian Fife (22 Junie 2007). "Transnet to cash in Carlton". Financial Mail. fm.co.za. Besoek op 2012-02-21. 

Eksterne skakels[wysig | wysig bron]

Koördinate: 26°12′20″S 28°2′48″O / 26.20556°S 28.04667°O / -26.20556; 28.04667