Casablanca Konferensie
Die Casablanca Konferensie het plaasgevind tydens die Tweede Wêreldoorlog van 14 Januarie tot 24 Januarie 1943 in Anfa, 'n voorstad van Casablanca. President Franklin D. Roosevelt en Winston Churchill het vergader om militêre en politieke sake te bespreek. Op die agenda was onder andere die leierskapsituasie van Frankryk. Die Sowjetunie en China was nie teenwoordig nie, maar generaals Henri Giraud en Charles de Gaulle is genooi om die Vrye Franse te verteenwoordig. Daar is ook besluit dat Sisilië ingeval sou word en dat 'n inval in Frankryk met nog 'n jaar uitgestel sou word. Ook op hierdie konferensie is daar vir die eerste keer gepraat oor onvoorwaardelike oorgawe deur die Spilmoondhede.
Bron
[wysig | wysig bron]- Collier's Encyclopedia, Crowell-Collier Educational Corporation, Volume 5, Bladsy 509.
