Century City, Los Angeles

in Wikipedia, die vrye ensiklopedie
Jump to navigation Jump to search
Century City
Century City, soos gesien vanuit die Kenneth Hahn-ontspanningsgebied
Century City, soos gesien vanuit die Kenneth Hahn-ontspanningsgebied
Ligging van Century City op 'n kaart (Verenigde State)
Century City
Century City
Ligging van Century City in die Verenigde State
Koördinate: 34°03′20″N 118°25′01″W / 34.05556°N 118.41694°W / 34.05556; -118.41694Koördinate: 34°03′20″N 118°25′01″W / 34.05556°N 118.41694°W / 34.05556; -118.41694
Land Vlag van Verenigde State van Amerika Verenigde State
Deelstaat Flag of California.svg Kalifornië
Stad Flag of Los Angeles, California.svg Los Angeles
Ontstaan 1960's
Oppervlak
 - Stadsbuurt 1,8 km²  (0,7 vk m)
Bevolking (2008)
 - Stadsbuurt 5 934[1]
 - Digtheid 3 038,2/km² (7 869/vk m)
'n Uitsig oor Century City, soos gesien vanaf die J. Paul Getty Museum
Kantoortorings en kondominiums (woonstelgeboue) in Century City
Die Fox Plaza-wolkekrabber huisves die kantore van die Fox Entertainment Group, 'n onderneming met belange in die media- en vermaakbedryf

Century City is 'n woon- en sakebuurt in Los Angeles se Westside met 'n oppervlakte van 176 akkers (71,2 ha). Dit is op 'n vroeëre buiteperseel van die 20th Century Fox-rolprentateljee ontwikkel wat in 1961 aan eiendomsontwikkelaars verkoop is. Die eerste gebou, die Gateway West Building, is in 1963 geopen. Dié kantoorgebou is in 2015 gesloop om plek te maak vir die uitbreiding van die Westfield Century City-winkelsentrum. Hierdie sentrum met talle restaurante is tans een van die vernaamste winkelbestemmings in Suid-Kalifornië.

Century City grens in die noorde aan Westwood, in die suidweste aan West Los Angeles, aan Cheviot Hills in die suidooste, Pico-Robertson in die ooste en aan Beverly Hills in die noordooste. In Century City het die hoogste wolkekrabbers in Suid-Kalifornië buite Los Angeles se middestad ontstaan.

Daar is geen enkelgesinshuise in die buurt nie; huisvesting word uitsluitlik in woonstelgeboue verskaf. Bekende vroeëre bewoners het die regisseur Billy Wilder ingesluit. Die vroeëre president Ronald Reagan het tydens en ná sy ampstermyn 'n kantoor op die 34ste verdieping van Fox Plaza gehuur.[2]

Tans vorm die Fox-ateljees, die winkelsentrum en ander kleinhandelondernemings, asook kantoortorings soos Century Plaza Towers Century City se ekonomiese basis.[3]

'n Luukse hotel van die InterContinental-ketting, InterContinental Los Angeles Century City at Beverly Hills, is vlakby die Fox-ateljees op Avenue of the Stars geleë. 'n Tweede luukse hotel op dieselfde laan, Century Plaza Hotel, voorheen bedryf deur die Hyatt Regency-ketting en tradisioneel 'n gewilde verblyfplek vir filmsterre en staatsgaste, het sy deure in 2016 gesluit en word tans herbou en uitgebrei.

Verwysings[wysig | wysig bron]