Cesária Évora

Cesária Évora in 2008

Cesária Évora ook bekend as Cize, (Mindelo, 27 Augustus 1941 - São Vicente, 17 Desember 2011) was 'n volksangeres van Kaap Verde. Sy was bekend as die 'kaalvoet-diva' omdat sy die gewoonte gehad het om kaalvoet op die verhoog te gaan.

Biografie

Évora het in die 1960s haar loopbaan as sangeres in Mindelo op die eiland São Vicente begin. Toe sy net twintig was, het sy al gesing oor die romantiese teleurstellings en die afgeleë aard van die Kaap Verdiese Eilande, wat op CD vrygestel is onder die naam Radio Mindelo. Évora het coladeras (meesleurende liedjies, geskik vir die dansvloer) of mornas (Kaapverdiese blues) gesing.

In 2004 het sy 'n Grammy-toekenning vir beste kontemporêre wêreldmusiekalbum gewen.

Haar musiek word deur baie mense gesien as wêreldmusiek. Sy het meestal in die Kaapverdiese Kreools gesing, soms ook in Portugees en Frans. Sodade (Saudade) is 'n term wat gereeld na melankoliese liedjies terugkeer. Haar werk is deur verskillende groot name in die DJ-wêreld gemeng, waaronder Carl Craig, Osunlade en Kerri Chandler, en sy het saamgewerk met bekende musikante soos Eleftheria Arvanitaki, Marisa Monte, Bonnie Raitt, Compay Segundo, Kassav' en Caetano Veloso.

In 2009 het sy 'n heeltemal nuwe CD (Nha sentimento) vrygestel, 'n album wat die swaarheid en ligtheid van haar stem kombineer met aansienlik meer Latyns- en samba-invloede as gewoonlik.

Miss Perfumado, Cesaria en Cabo Verde is bekende werke van haar. Haar bekendste liedjies is Sangue De Beirona, Tchintchirote en Sodade. Sedert 2005 het haar gesondheid agteruitgegaan en het sy 'n aantal operasies ondergaan. Dit het haar genoop om haar loopbaan einde September 2011 te beëindig. Op 17 Desember 2011 is Évora op 70-jarige ouderdom aan hartversaking oorlede.

Ter ere van Cesária Évora is die lughawe São Pedro op 8 Maart 2012 herdoop tot die Cesária Évora International Airport.

Diskografie

Albums:

• La Diva Aux Pieds Nus (1988)
• Distino di Belita (1990)
• Mar Azul (1991)
• Miss Perfumado (1992)
• Cesária (1995)
• Cabo Verde (1997)
• Nova Sintra (1998)
• Café Atlantico (1999)
• São Vicente di Longe (2001)
• Voz d'Amor (2003)
• Rogamar (2006)
• Nha sentimento (2009)

Versamel- en lewendige-albums:

• Sodade - Les Plus Belles Mornas de Cesária (Beste van-versameling, 1994)
• Club Sodade (Remixalbum, 1996)
• Live à L'Olympia (Livealbum, opgeneem in Olympia, Parys, 1996)
• Colors of the World (Allegro Music, 1997)
• Best Of (Beste van-versameling, 1998)
• Anthology(Beste van-versameling, 2002)
• Anthology - Mornas & Coladeras (Dubbele-cd-uitgawe van Anthology, 2004)
• Live D'Amor (Lewendige-DVD, opgeneem in Le Grand Rex, Parys, 2004)

Eksterne skakels

• Wikimedia Commons het meer media in die kategorie Cesária Évora.

• Hierdie artikel is in sy geheel of gedeeltelik uit die Nederlandse Wikipedia vertaal.