Charles Thompson (jazzmusikant)

Charles Thompson
Geboortenaam	Charles Phillip Thompson
Gebore	(1918-03-21)21 Maart 1918 Springfield, Ohio, Verenigde State
Sterf	16 Junie 2016 (op 98) Tokio, Japan
Genres	Jazz
Beroep(e)	Musikant, komponis, musiekverwerker
Instrumente	klavier, orrel
Assosiasies	Earl Bostic, Coleman Hawkins

Charles Phillip Thompson (21 Maart 1918 – 16 Junie 2016) was 'n Amerikaanse swing en bebop pianis, orrelis, komponis en rangskikker.

Vroeë lewe

Thompson is gebore in Springfield, Ohio, Verenigde State, op 21 Maart 1918. Sy vader was 'n predikant en sy stiefma het klavier gespeel. Hy het aanvanklik viool gestudeer en vir 'n kort rukkie tenoorsaksofoon gespeel, maar gedurende sy tienerjare klavierklasse geneem. Hy het saam met sy gesin na Parsons, geleë in die suidoostelike deel van die deelstaat Kansas, verhuis. Later het Thompson die Hoërskool Kansas City bygewoon.

Teen die ouderdom van twaalf het Thompson tydens privaat funksies saam met Bennie Moten en sy orkes in Colorado Springs, Colorado gespeel. Gedurende hierdie tyd het Count Basie af en toe saam met Moten se orkes gespeel. Tydens 'n vertoning het Basie Thompson opgeroep om te speel. Lester Young het aan hom die bynaam "Sir Charles Thompson" besorg.

Loopbaan

Thompson het hoofsaaklik met klein groepe gewerk, insluitend die Coleman Hawkins/Howard McGhee-sekstet in 1944–1945. Gedurende die 1940's het hy saam met onder andere Charlie Parker, Dexter Gordon, Miles Davis en J. C. Heard gespeel. Hy het in 1946 saam met Lucky Millinder se "big band" gespeel, en saam met Illinois Jacquet in 1947–48 en 1952.

Hy het vir 'n groot deel van die 1950's vryskut gewerk, hoofsaaklik op orrel. Hy het in 1953 weer saam met Parker gespeel en in 1953–'54 opnames gemaak saam met Vic Dickenson en Buck Clayton. Thompson het in die laat 1950's saam met Earl Bostic gespeel voordat hy in 1959 aan die hoof van sy eie kwartet gestaan het.

In die vroeë 1960's het hy saam met Buck Clayton deur Europa en Kanada getoer. Thompson was weer in Europa in 1964, saam met Jazz at the Philharmonic, en in 1967 vir die program "Jazz from a Swinging Era"."Hy het hom aan die weskus van Amerika gevestig, waar hy dikwels saam met Vernon Alley gewerk het, en in Toronto, Parys, en Zurich, het hy voortgegaan om gedurende die 1970's en 1980's leiding te neem oor kleiner musiekgroepe. Hy het die standaard-jazzstuk, "Robbins' Nest", gekomponeer.

Diskografie

As leier

• Takin' Off (Delmark Records)
• Sir Charles Thompson and Coleman Hawkins: For the Ears (Vanguard Records, 1954–56)
• Sir Charles Thompson and the Swing Organ (Columbia Records, 1959)
• Sir Charles: Rockin' Rhythm with Sir Charles at the Organ (Columbia, 1961)
• Hey There (Black & Blue Records, 1974)
• Robbins' Nest: Live at the Jazz Showcase (Delmark, 2000)
• I Got Rhythm: Live at the Jazz Showcase (Delmark, 2001)

As "sideman"

Met Buck Clayton

• The Huckle-Buck and Robbins' Nest (Columbia, 1954)
• How Hi the Fi (Columbia, 1954)
• All the Cats Join In (Columbia 1956)
• Buck & Buddy (Swingville, 1960) met Buddy Tate
• One for Buck (Columbia, 1961)
• Buck & Buddy Blow the Blues (Swingville, 1961) saam met Buddy Tate

Met Dexter Gordon

• Landslide (Blue Note, 1961-62 [1980])

Met Dodo Greene

• My Hour of Need (Blue Note, 1962)

Met Joe Newman

• The Count's Men (Jazztone, 1955)
• I Feel Like a Newman (Storyville Records, 1956)

Met Paul Quinichette

• Moods (EmArcy Records, 1954)

Met Harold Ashby en Paul Gonsalves

• Tenor Stuff (Columbia Graphophone Company)]],1961)

Met Ike Quebec

• The Complete Blue Note 45 Sessions (Blue Note Records, 1960–2)

Met Joe Williams

• Together (Roulette, 1961) saam met Harry "Sweets" Edison
• Jazz Spectacular (Columbia 1955)

Bronnelys

• Cook, Richard and Morton, Brian (2008) The Penguin Guide to Jazz Recordings (9th ed.), Penguin, p. 1400. ISBN 978-0-141-03401-0.