Chlamydia

in Wikipedia, die vrye ensiklopedie
Jump to navigation Jump to search
Chlamydia
Klassifikasie en eksterne bronne
’n Papsmeer wat die bakterie C. trachomatis wys.
’n Papsmeer wat die bakterie C. trachomatis wys.
ICD-10 A55-A56
DiseasesDB 2384
MeSH D002689
Star of life caution.svg Mediese waarskuwing

Chlamydia, of meer spesifiek ’n Chlamydia-infeksie, is ’n seksueel oordraagbare infeksie wat deur die bakterie Chlamydia trachomatis veroorsaak word.[1] Die meeste mense wat dit het, het geen simptome nie.[2] Wanneer simptome wel ontwikkel, kan dit ’n paar weke ná die infeksie gebeur.[2] Simptome in vroue kan insluit vog uit die vagina of ’n brandgevoel tydens urinering.[2] In mans kan simptome insluit vog uit die penis, ’n brandgevoel tydens urinering of pyn in en ’n geswel van een of albei testikels.[2] Die infeksie kan na die boonste genitale streek versprei en in vroue ’n inflammasie veroorsaak wat kan lei tot toekomstige onvrugbaarheid of buitebaarmoederlike swangerskap.[3] Herhaalde infeksies van die wat nie behandel word nie, kan lei tot tragoom, ’n algemene oorsaak van blindheid in die ontwikkelende wêreld.[4]

Oorsaak en diagnose[wysig | wysig bron]

Chlamydia kan versprei word tydens vaginale, anale of orale seks, en kan tydens geboorte deur ’n ma aan haar kind oorgedra word.[2] Die ooginfeksies kan oorgedra word deur persoonlike kontak, vlieë en handdoeke in gebiede met swak sanitasie.[4] Chlamydia trachomatis kom net in mense voor.[5] ’n Diagnose word tydens toetsing gemaak, wat een keer per jaar aanbeveel word vir seksueel aktiewe vroue onder 25 jaar, ander mense wat ’n hoë risiko vir die siekte loop en by die eerste voorgeboortelike ondersoek.[2][3] Toetsing kan gedoen word op die urine of met ’n depper aan die serviks, vagina of baarmoeder.[3] Rektale en monddeppers word benodig om infeksies van daardie streke te diagnoseer.[3]

Verwysings[wysig | wysig bron]

  1. "2014 Sexually Transmitted Diseases Surveillance Chlamydia" (in Engels). 17 November 2015. Geargiveer vanaf die oorspronklike op 12 Junie 2018. Besoek op 10 Junie 2016.
  2. 2,0 2,1 2,2 2,3 2,4 2,5 "Chlamydia - CDC Fact Sheet". CDC (in Engels). 19 Mei 2016. Geargiveer vanaf die oorspronklike op 6 Mei 2020. Besoek op 10 Junie 2016.
  3. 3,0 3,1 3,2 3,3 "2015 Sexually Transmitted Diseases Treatment Guidelines". CDC (in Engels). 4 Junie 2015. Geargiveer vanaf die oorspronklike op 20 Maart 2020. Besoek op 10 Junie 2016.
  4. 4,0 4,1 "CDC - Trachoma, Hygiene-related Diseases, Healthy Water" (in Engels). Center For Disease Control. 28 Desember 2009. Geargiveer vanaf die oorspronklike op 27 April 2020. Besoek op 24 Julie 2015.
  5. Graeter, Linda (2014). Elsevier's Medical Laboratory Science Examination Review. Elsevier Health Sciences. p. 30. ISBN 9780323292412. Geargiveer vanaf die oorspronklike op 2017-09-10.

Eksterne skakels[wysig | wysig bron]