Choanoflagellatea

in Wikipedia, die vrye ensiklopedie
Spring na: navigasie, soek
Choanoflagellatea
Wetenskaplike klassifikasie
Domein: Eukaryota
(klade): Opisthokonta
(klade): Holozoa
(klade): Apoikozoa
Klas: Choanoflagellatea
Cavalier-Smith, 1998
Families
  • Codonosigidae
  • Salpingoecidae
  • Acanthoecidae

Choanoflagellatea is ’n klas vrylewende, eensellige en koloniale eukariotiese sweepdiertjies wat beskou word as die naaste lewende verwante aan diere.

Beskrywing[wysig | wysig bron]

Choanoflagellatea is sweepdiertjies met ’n tregtervormige kraag van gekonnekteerde mikrovilli (uitstulpings) aan die basis van elke flagellum (sweephaartjie). Hulle het ’n besonderse selmorfologie wat gekenmerk word deur ’n ronde of ovaal selliggaam van 3 tot 10 µm in deursnee met ’n enkele flagellum aan die punt wat omring word deur ’n kraag van 30 tot 40 mikrovilli (sien skets).

Die beweging van die flagellum skep waterstrome wat die organisme deur die waterkolom stu. So vang hy bakterieë en ander kosbrokkies teen die kraag van mikrovilli vas, waar dit ingeneem word. Hierdie voeding verskaf ’n kritieke skakel binne die globale koolstofkringloop en verbind trofiese vlakke (vlakke in die voedselketting).

Benewens hul belangrike ekologiese rol, is Choanoflagellatea van besondere belang vir evolusionêre bioloë wat die oorsprong van veelselligheid in diere bestudeer. As die naaste lewende verwante aan diere dien Choanoflagellatea as ’n nuttige model vir rekonstruksies van diere se laaste eensellige voorsaat.

Etimologie[wysig | wysig bron]

Die naam kom van die Griekse woord khoanē, "tregter" (vanweë die vorm van die kraag), en die Latynse woord flagellum.

Kladogram[wysig | wysig bron]

Hierdie groep is saam met die Ichthyosporea en Filasteria dié eensellige organismes wat die nouste aan die Metazoa (die meersellige diere) verwant is.[1]

Opisthokonta

Fungi Fly agaric.svg


Holozoa

Ichthyospora


Filozoa?

Filasterea


Apoikozoa

Choanoflagellatea


Metazoa

Ctenophora Mertensia ovum.png



Porifera FMIB 49348 Ventriculites simplex, Toulmin Smith.jpeg




Placozoa Trichoplax mic-trans.png




Cnidaria 201208 Hydra.png



Bilateria Human.svg









Verwysings[wysig | wysig bron]

  1. The origin of Metazoa: a unicellular perspective Arnau Sebé-Pedrós, Bernard M. Degnan, Iñaki Ruiz-Trillo Nature Reviews Genetics (2017)

Eksterne skakels[wysig | wysig bron]