Christopher Reeve

Christopher Reeve
Christopher Reeve in 1985
Geboortenaam	Christopher D'Olier Reeve
Geboorte	25 September 1952 New York, VSA
Sterfte	10 Oktober 2004 Mount Kisco, New York, VSA
Nasionaliteit	Amerikaans
Beroep(e)	Akteur, regisseur, vervaardiger, draaiboekskrywer, skrywer, aktivis
Rolprente	Superman
Webwerf	Christopher en Dana Reeve-stigting
Toekennings	Screen Actor Guild Award (1998) Emmy Award (1997) Lasker Award (2003)

Christopher D'Olier Reeve (* 25 September 1952, † 10 Oktober 2004) was 'n Amerikaanse akteur, rolprent-regisseur, -vervaardiger, draaiboekskrywer, skrywer en aktivis wat veral met sy vertolking van die fiktiewe held Superman in 1978 internasionale bekendheid verwerf het.

'n Perdry-ongeluk tydens 'n wedren in Culpeper, Virginië op 27 Mei 1995 het Reeve verlam gelaat. Vir die res van sy lewe het hy 'n rolstoel en 'n beasemingsapparaat benodig. Reeve het daarna as 'n aktivis vir die belange van mense met rugmurgbeserings opgetree en het hom vir menslike stamselnavorsing beywer. Hy het sy eie stigting, die Christopher Reeve Foundation, in die lewe geroep en was medestigter van die Reeve-Irvine-navorsingsentrum.

In April 1992 het Reeve met Dana Morosini (1961-2006) getrou. Hul seun William Elliot Reeve is op 7 Junie 1992 gebore. Reeve het nog twee kinders, Matthew Exton Reeve (* 1979) en Alexandra Exton Reeve (* 1983), uit sy vroeëre verhouding met sy langjarige vriendin Gae Exton gehad.

Christopher Reeve is op 10 Oktober 2004 ná 'n hartstilstand oorlede.