Coffee Snobs

Coffee Snobs is 'n sangpaar, wat bestaan uit Esmé Vernette Wessels en Marius Wessels. Vernette, gebore in Pretoria, het skool gegaan by Laerskool Silverton en gematrikuleer aan Hoërskool Silverton. Na skool het sy BCom Kommunikasiebestuur aan die Universiteit van Pretoria studeer. Marius Wessels, gebore op Groblersdal, was in Laerskool Marble Hall en het aan Hoërskool Ben Viljoen matrikuleer, hy was twintig jaar in 'n korporatiewe werksomgewing, voordat hy die vermaaklikheidswêreld betree het. In 2009 is Marius en Vernette getroud en woon in Mosselbaai.

Vroeë loopbaan[wysig | wysig bron]

Op die ouderdom van agt, het Vernette met klavierlesse begin en op 14 het sy begin kitaar speel en haar eie liedjies begin skryf. Na haar skoolloopbaan het sy by informele funksies begin optree soos kerke en restaurante. Met die opname van haar eerste album is haar liedjies na ander kunstenaars gestuur, onder andere Laurika Rauch, wat op haar beurt Bly nog so bietjie en Die Reis op haar albums opgeneem het. Vernette het tydens die vertoning Nie as ek sing, 'n uitvoering van Laurika Rauch, saam met haar die verhoog gedeel, wat ook aan Laurika Rauch 'n Clover-toekenning by die Aardklop Kunstefees besorg het, vir gewildste produksie tydens die fees. Laurika Rauch

Marius kom uit 'n familie met 'n musikale agtergrond, waar sy pa deel was van 'n boeremusiek orkes en sy ma was ook musikaal. Nadat hy en Vernette mekaar ontmoet het, het sy liefde vir musiek gegroei en het hy uiteindelik besluit om dit as beroep te beoefen. In 2017 verlaat hy die korporatiewe omgewing om sy liefde vir musiek uit te leef. In 2012 is die groep Coffee Snobs reeds gestig, wat uit vier lede bestaan, in 2014 word die eerste enkelsnit na radiostasies gestuur en word goed ontvang. Na die goeie terugvoer het die groep besluit om 'n vollengte album op te neem, waarvan Wicus Struwig die vervaardiger en Vernette Wessels die mede-vervaardiger was.

Diskografie[wysig | wysig bron]

Vernette neem haar eerste solo album op, getiteld "Bly nog so bietjie" (2010)
Eerste album van Coffee Snobs, getiteld "Storm" (2015)
Tweede album, getiteld "Lig" (2017)
In 2019 word die enkelsnit "Sal Jy" vrygestel.
In 2020 stel hul die enkelsnit "Stetoskoop" vry met Tania van Twisk as hoofrol in die musiekvideo.

Rolprente[wysig | wysig bron]

Twee van Coffee Snobs se liedjies is gebruik vir die film "'n Man soos my Pa" in 2015, getiteld: Draai Terug en Bloed is dikker as water.

Eksterne skakel[wysig | wysig bron]

Bronnelys[wysig | wysig bron]