Laurika Rauch

in Wikipedia, die vrye ensiklopedie
Jump to navigation Jump to search
Laurika Rauch
Laurika Rauch.jpg
Laurika Rauch, 2015
OorsprongSuid-Afrika
Geboorte1 November 1950 (1950-11-01) (69 jaar oud)
Kaapstad
Beroep(e)Musikant
Aktiewe jare~1979-nou
Webwerflaurikarauch.co.za
Portal.svg Musiekportaal
Laurika Rauch en Elvis Blue by die Tempo-toekennings.
Laurika Rauch

Laurika Rauch (gebore 1 November 1950 in Pinelands, Kaapstad) is 'n Suid-Afrikaanse sangeres. Sy is een van die bekendste kontemporêre sangeresse in Afrikaans. Sy sing ook in Nederlands en Engels. Sy het in 1979 'n treffer gehad Kinders van die Wind, geskryf deur Koos du Plessis. Die lied het in die laat sewentigerjare prominent verskyn in die Afrikaans televisiereeks "Phoenix & Kie".

Lewensloop[wysig | wysig bron]

Rauch is in Kaapstad gebore, die jongste kind van Fritz en Rina Rauch. Sy het 'n suster, Ingrid, en 'n broer, Johan. Haar pa was publieke betrekkinge bestuurder van Old Mutual en haar ma is 'n opgeleide maatskaplike werker wat later die redakteur van Die Huisvrou geword het. Rauch was reeds voor sy skool toe is, lid van Hannes Uys, Pieter-Dirk Uys se pa, se sanggroep.

Sy was 'n leerling aan die Laerskool Groote Schuur en studeer in die jare sewentig drama aan die Universiteit Stellenbosch.

Nadat sy werk gekry het as selekteerder vir kinderklere by 'n afdelingswinkel. In 1974 het sy verhuis na Gauteng en het tot aan die einde van 1976 as aktrise gewerk by Truk Speelwerk onder Robin Malan. Aan die einde van haar tweejaar kontrak as aktrisie het sy weer begin om skool te hou en saans as kelnerin te werk. Katinka Heyns en haar man Chris Barnard was onder meer van die klënte wat sy bedien het by die restaurant. Katinka het in daardie tyd die regie behartig vir die TV-reeks Phoenix & Kie en Jana Cilliers, wat die rol van 'n kabaretsanger vertolk het, het voorgestel dat Katinka vir Laurika betrek as Jana se sangstem.

In 1973 onderrig sy Afrikaans by Roggebaai Opleidingskool in Kaapstad en vanaf 1977 – 1978 onderrig sy Afrikaans by Hoërskool Riverlea in Johannesburg. Sy het ook Afrikaans onderrig vir immigrante by Hoërskool Sandown in Sandton vanaf 1978 – 1979. In 1974 word sy aangestel deur Woolworths as selekteerder vir kinderslaapklere. Vanaf 1975 het sy ook vir TRUK Speelwerk gewerk as ʼn vryskutaktrise. Vanaf 1979 is Laurika Rauch ʼn voltydse sangeres.

Tussendeur het sy ook by ander inisiatiewe betrokke geraak om uiting aan haar kreatiwiteit te gee. Sy het ʼn plate-resensierubriekkolom geskryf vir Klinkgoed vir die Radio & TV Dagboek. Van 1983 – 86 was sy ʼn lektrise in sang en drama aan die Universiteit van Pretoria. In 1993 stig sy Laurika Rauch Produksies (Edms) Bk. In 1999 stig sy saam met ʼn vriendin Marlene Serfontein, ʼn uitgewery: Laurika Boeke Bk, die enigste publikasie wat deur hierdie uitgewery vrygestel is, is Laurika Rauch: Treffers vir Klavier en Kitaar.

Na die 13 weke se episodes, was die temalied 'n sukses en kon op Springbokradio en Radio 5 se treffersparade gehoor word. In hierdie tyd het sy sewe platekontrakte gekry en is ook 'n pos as onderwyseres aangebied. Sy het die onderwyspos van die hand gewys en voortgegaan met haar sangloopbaan.

Anton Goosen het haar in 1977 gevra om saam met hom te toer na die sukses van Kinders van die wind en haar Debuut-album. Oorspronklike liedjieskrywers was skaars in hierdie tyd en Anton Goosen was toe ook besig om homself as kunstenaar te vestig met sy treffer, Kruidjie-roer-my-nie. Taubie Kushlick het Laurika in 1980 genooi om saam met Ann Hamblin en Ferdie Uphof die musiek van Jaques Brel in 'n nuwe produksie te vertolk. Kushlick het op grond van Laurika se goeie vertolking besluit om haar in te span vir Encore! Brel, 'n suksesvolle produksie wat vir ses maande in die Chelsea-teater in Hillbrow gespeel het. Hierna was daar ook 'n opvolgproduksie, The Best op Brel in 1983.

In 1981 is sy deel van die kabaret, Met permissie gesê, geskryf deur Hennie Aucamp en regie behartig deur Janice Honeyman, waar sy die verhoog gedeel het met Amanda Strydom, Rina Nienaber, Gerben Kamper en Bill Curry.

Sy tree ook buite Suid-Afrika op in onder meer België, Nederland, Engeland, Tsjeggië en Duitsland. In April 2016 het pres. Jacob Zuma die Orde van Ikhamanga (in brons) aan haar toegeken.[1]

Persoonlike lewe[wysig | wysig bron]

Sy is getroud met die lektor (later professor) Christopher Torr in 1984. Die egpaar woon in Mooikloof, Pretoria en het twee kinders, Nina en Simon en hulle het ook al 'n eerste kleinkind.

Loopbaan[wysig | wysig bron]

Haar man, Christopher Torr, het in 1984 'n liedjie geskryf van die bankrower André Stander, maar dit nooit opgeneem en uitgevoer nie. Toe iemand vir Laurika 'n opname van die Duitser, Udo Jürgens, se musiek gegee het om dit te gebruik vir moontlike vertalings het sy nie daarna geluister nie. “Ons het almal geglo dat ons op die maak van oorspronklike musiek en nie vertalings nie, moes konsentreer”, het sy gesê. Chris het na die liedjies geluister en besluit om dit na Afrikaans oor te vertaal, die gevolg was dat onder andere Blouberg se strand en ander treffers op hierdie wyse gebore is. Hierna het haar man baie van haar ander liedjies ook geskryf. Laurika self het nog nie lirieke geskryf nie, maar wel 'n paar gedigte getoonset soos: Nalekokers, Niks hangs so rooi soos wingerdblaar by Hexrivier, Ballade van 'n koningsdogter, Windliedjie en Toemaar die donker man.

Albums/Produksies[wysig | wysig bron]

CD's/Langspeelplate[wysig | wysig bron]

  • Debuut (1979) - goue status
  • 'n Jaar in my lewe (1980)
  • Vir Jou (1981)
  • Jy is te dierbaar (1983) - goue status
  • Laurika op Versoek (1985)
  • Encore! Laurika (1988) - goue status
  • Stuur Groete aan Mannetjies Roux (1990) : haar eerste Afrikaanse-album wat platinum-status bereik het.
  • Grootste Treffers Volume 1 (1991) - goue status
  • Die Gang (1992)
  • Hot Gates (1995) - goue status
  • Grootste Treffers Volume 2 (1996)
  • The Brel Album (1997)
  • 19 Treffers van 21 Jaar (1999) (Hierdie album het drie-dubbele platinum-status bereik.)
  • Die mense op die Bus (1999) - goue status. Dit was ook die gewilde temalied van die TV-reeks Iemand om lief te hê.
  • Hei mevrou Brown (dit gaan goed) (2000)
  • Vier Seisoene kind (2002)
  • My ou Tante Koba (2004)
  • Die nuwe Trefferalbum (2004)
  • Chris se Trefferliedjies (2006)
  • 'n Lekker Verlang Liedjie (2007)
  • Twee Duisend en Tien (2010)
  • Wals, wals Willemien (2014) - goue status
  • Die reis (2016)

DVD's[wysig | wysig bron]

  • Kom laat ons sing (2002), is 'n dokumentêr van ses episodes oor die ontwikkeling van die Afrikaanse liedjie vanaf die 1930's tot 2002. Laurika is die verteller en aanbieder.
  • Laurika Rauch: Grootste treffers, LIVE (2006) (Haar eerste en enigste vollengte-DVD van 'n solo optrede)
  • Stuur groete aan Mannetjies Roux is 'n film wat in Desember 2013 vrygestel is. Laurika vertolk 'n rol en is ook verantwoordelik vir die sang op die klankbaan.
  • Hart en See is 'n produksie wat sy saam met Elvis Blue vrygestel het in 2015.

Televisieoptredes[wysig | wysig bron]

  • Fyn net van die Woord (±1976/77) Stephan Bouwer
  • Musiek en Liriek (± 1980) Merwede van der Merwe
  • In revue met…Laurika Rauch (±1981) Merwede van der Merwe
  • Debuut (±1982) Mario le Grange
  • Spies en Plessis Ollie Viljoen
  • Potpourri Julie Strydom
  • Teletreffers Johan van Rensburg
  • Klub 88 Johan van Rensburg
  • Laurika in België (± 1985) Marius du Plooy/Marc Robberechts
  • Lekker Ligte Liedjies Merwede van der Merwe
  • Kom kuier saam met Laurika Rauch Danie Odendaal
  • Middagvertoning Met… Deon Deale
  • Platepraatjies Johan Stemmet
  • Hot Gates: ‘n Dokumentêr (±1994/95) Llewelyn Roderick
  • April 1980 (Film) Jan Scholtz
  • Noot vir Noot Stemmburg
  • Draadloos Kyknet
  • DKNT Kyknet
  • Geraas SABC2
  • Kom Laat ons Sing –‘n Dokumentêr (2002) Johan Badenhorst (Kyknet)
  • Huisgenoot Skouspel Plus (2009; 2010)
  • Huisgenoot Skouspel (2000;2001;2002;2003;2006;2007;2008;2009; 2012; 2013; 2014)
  • Kyknet Fiëstas (2013) Ian Von Memerty
  • Kwêla (2014) Coenie de Villiers is aanbieder
  • Jam-onderhoud (2014) André Calitz
  • Die Republiek van Zoid-Afrika (2015) Carien Loubser
  • Afrikaans is Groot 2015; 2016 en 2017
  • Vir Kyknet: Laurika neem deel aan ‘n simposium oor die vermaaklikheidsindustrie en die besigheidsaspek in die besonder.
  • Beoordeel twee episodes van Varsity Sing vir Kyknet. 2016
  • Bravo-onderhoud met Reynard Slabbert 2016
  • ‘n Kliphard-onderhoud met Derrich Garner 2017
  • ‘n Bravo-onderhoud met Reynard Slabbert 2017
  • Afrikaans is Groot 2015/2016/2017

Regiseurswerk[wysig | wysig bron]

Laurika het baie van haar eie solo-vertonings se regie self behartig asook 'n paar ander kunstenaars se vertonings.

1992 Neem kennis (In die Rendezvous van die Staatsteater) met Helena Hettema, Danie Niehaus en Illse Roos.
1992 Fm Blues (In die Momentum van die Staatsteater) met Coenie de Villiers.
1998 Padlangs, met Karla du Plessis, Fanie Fouché en Dawie Nolte.
1998/1999 Die eerste aanbieding van Drie van die Bestes/Three of the Best – Millennium (Afrondingsregisseur, saam met Gerrie Jamneck) (Mathys Roets, Danie Niehaus, Kevin Leo)
1998 Stemregisseur vir die Karla du Plessis debuutalbum, Woordeloos
1999 Neem Kennis 2 (Cindy Sampson, Philip Moolman, Wouter van de Venter)

(Hierdie was ‘n opdragwerk van die Klein Karoo Nasionale Kunstefees van

1999, gebaseer op die Neem Kennis-konsep van 1992)

2001 Stemregisseur vir Janita Claassen se Wilde Aalwyn album wat uitgegee is in Augustus 2001.
2006 Blou kafee - vir Illse Roos se optrede by die KKNK
2008 Behartig die samestelling en regie van ‘n produksie genaamd Laurika en Nuwe Vriende in opdrag van en by die Centurionteater. Kunstenaars wat saam met Laurika opgetree het is Ansujé, La Diva, ‘n Man soos Jan, Jaco en Andriëtte.

Optredes[wysig | wysig bron]

1977 Fangs

Ken Leach is regisseur; TRUK.

1978 The Bedsitting Room

Nigel Vermaas is regisseur: Markteater

1980 Encore! Brel

Vir Taubie Kushlick, by die Chelsea-teater

1980 Van Wyk Louw

Optrede saam met Donald Swann, Soweto Teacher’s Choir, Mara Louw en Will Bernard in ʼn toonsetting van N.P. van Wyk Louw se gedigte; Markteater

1981 Met Permissie Gesê

Hennie Aucamp is regisseur; Markteater

1984 Neem deel aan ʼn program oor Koos du Plessis, saam met Jana Cilliers, Lucas Maree en Nic Taylor
1983/84 The Best of Brel
1987 en 1995 Optrede by Grahamstadfees
1988 Van Berlyn tot Bapsfontein, met Jannie du Toit

Stephan Bouwer is regisseur.

1990 Op die Hartstog Boulevard, met Jannie du Toit

Stephan Bouwer is regisseur.

1990 Laurika op nagskof, met Phillip Moolman

Ilse van Hemert is regisseur.

1990 Hoagy, met Lisa Michaelson en David Dennis vir Pieter Toerien.

Jimmy Bell is regisseur.

1993 Tree saam met die Metropole Orkes op by ʼn Kerskonsert in Utrecht.
1994 Optrede in Bussum, Nederland tydens ʼn Suid-Afrikaanse week.
1994 Laurika sings Brel
1996 Optrede saam met die TFO in die Opera van die Staatsteater
1996 Neem deel aan die Menseregtekonsert by die Staatsteater
1996 Elize en Laurika maak nuus, saam met Elize Cawood.

Wilson Dunster is regisseur.

1997 75ste Jubileum-feesvieringe by die Departement van Nederlandistiek, Praag.
1998/99 Samekoms/Kompano, saam met Vusi Mahlasela.

Deon Opperman is regisseur.

2000-2002 Laurika en Orkes.

Deon Opperman is regisseur.

2001-03;

2006-09;

2012-13

Huisgenoot Skouspel, by die Superbowl in Sun City.
2002 Ons Kruis Paaie, saam met Stef Bos, David Kramer, Taliep Pietersen, Denise Jannah, Frank Boeijen, Koos Kombuis en Ray Phiri.

Stef Bos is regisseur.

2002 Laurika in die Staatsteater
2002 – 2004 Ukkasie tydens 3 vertonings in Londen: Stevenage, Wembley stadion en The Royal Albert Hall.
2002 Sarie Inspirasiekonserte met onder meer Karen Zoid, Lize Beekman, Amanda Strydom en Valiant Swart.
2002 Laurika en die manne tydens die Volksbladfees.
2003 Woordfees met Laurinda Hofmeyr, Valiant Swart, Albert Frost, Schalk Joubert en Barry van Zyl.
2003 - 2004 Maak drie musiekvideo’s: Kom laat ons sing, Vier seisoene kind; My ou tante Koba

Deon de Bruyn is regisseur.

2003 Balkon met Leon Ecroignard, Wouter van de Venter, Jahn Beukes en Clinton Waring by die KKNK.
2003 Solovertoning by die Artscape teater in Kaapstad.
2003 Optrede by Barnyards in Sangita en Witrivier
2003 WAM-fees met Cutt Glas, Sibongile Khumalo, Jennifer Jones, Isadora Verwey.
2004 Droomstoel

Deon Opperman is regisseur

2004 Naderby by die Aardklopfees.

Johan Badenhorst is regisseur.

2005 Plakboek, saam met Amanda Strydom.
2005 Optrede tydens die Grey College koorfees in die Sand du Plessis-teater.
2006 Optrede by die Roetesfestival in Antwerpen.
2006 Optrede saam met die Ekurhuleni Children’s Choir
2005/6 Opname van haar lewendige opname vir haar DVD: Grootste Treffers LIVE!
2007 Optrede by KKNK en sing Weeping saam met die Bala-broers.
2007 Optrede by Aardpops, by Aardklop Kunstefees onder leiding van Graham Scott en Janine Neethling.
2007 Solo-vertoning saam met Clinton Waring in die KWV se Katedraal-kelder.
2008 Optrede by Carnival City Pops
2008 Optrede by Deuriemikke Karnaval gehou by Loftus Stadion.
2009 Kurt Darren en Laurika Rauch saam, by die Volksbladfees.
2009 Optrede saam met UPSO in die Aula.
2009 Optrede by Huisgenoot Skouspel Plus by die Grand West Casino.
2009 L2 saam met Lize Beekman
2010 Opening van die Parlement in Kaapstad.
2010 Sing in Afri-Frans saam met Anna Davel, Myra Maud, Mathys Roets en Anna-Mart van der Merwe.
2010 Brel in Brooklyn

Esther Nasser is regisseur.

2011 Sing Stuur groete aan Mannetjies Roux voor 60 000 mense by Loftus voor ʼn rugbywedstryd.
2011 Stuur groete aan Mannetjies Roux, musiekspel wat toer vanaf Pretoria na Kaapstad.

Paul Eilers is regisseur en Clinton Zerf musiekregisseur.

2012 Laurika en Vriende, saam met Jak de Priester en Brandon October.
2013 Dorothy 60 Jaar by die KKNK, ʼn musiekproduksie, saam met Karen Zoid, Dorothy Masuka en Zolani Mahola van Freshleyground met Carien Loubser as regisseur.
2013 Tree op in Brisbane, Auckland, Melbourne en Perth
2014 Tree op by die Paul Cluver Amfiteater
2014 Maak twee musiekvideo’s met Clinton Lubbe as regisseur: As ek eendag oud is; Murg en Been.
2014 Tree op by Starlight Classics
2014 Optrede by Klein Karoo Pops
2014 Optrede by die Woordfees: Liedjies vir alle tye
2014 Optrede by RSG/LEFRA Oppiwater Kunstefees
2014 Hart en See saam met Elvis Blue by KKNK en Vryfees
2014 Gas op Republiek van Zoid Afrika.
2014 Optrede by Innibosfees met Liedjies vir alle tye.
2014 Tree saam met ander kunstenaars op ten bate van Hennie Smit by die Atterburyteater.
2015 Hart en See vertoning by Die Woordfees en Innibosfees
2015 Optrede by die Legends-vertoning by die Innibosfees.
2015 Taljard and the Ladderbird by die Sax Arena in Centurion.
2015 Nie as ek sing nie, by Aardklop Kunstefees.
2015 Tree op saam met die Bloemfonteinse Kinderkoor.
2015 Optrede by Afrikaans is Groot.
2015 Bravo-optrede in Mosselbaai met Clinton Waring
2016 Nie as ek sing nie, by die Taalmonument in Paarl.
2016 Manna vir die Boere - konsert
2016 Optrede by die Woordfees Pops
2016 Nie as ek sing nie by KKNK
2016 Hart en See by die Suid-Oosterfees in die Artscape teater
2016 Nie as ek sing nie, by die Parkview Barnyard teater.
2016 Optrede by Afrikaans is Groot
2017 Optrede saam met Loki Rothman by Jason’s Hill Wynplaas
2017 Blou saam met Loki Rothman by die Woordfees, Atterburyteater, Vrystaatse Kunstefees en Aardklop
2017 Met liefde by die Grandwest Arena
2017 Optrede by Liefde by die Dam
2017 Optrede in Stars for Charity by Emperors Palace
2017 Optrede by Afrikaans is Groot
2018 Blou saam met Loki Rothman, by Oude Libertas Amifteater
2018 Digby my hart saam met Anton Esterhuyse by die Woordfees.
2018 Blou saam met Loki Rothman by KKNK
2018 Optrede by die Vryheidsdagkonsert by die Suidoosterfees.
2018 Laurika in konsert by die Atterburyteater in Pretoria.
2018 Blou, saam met Loki Rothman by Innibosfees.
2018 Optrede saam met Loki Rothman by Spar Kirkwood Wildsfees.


Toekennings[wysig | wysig bron]

  • Sarie-toekenning: Mees belowende sangeres van die jaar. (1980)
  • Dalro-nominasie: beste optrede in 'n musiekspel vir Taubie Kushlick se Encore! Brel (1980)
  • Gallo-toekenning vir haar optrede in die musiekspel: Van Berlyn tot Bapsfontein (1988)
  • Octave-toekenning vir album: Stuur groete aan Mannetjies Roux (1990)
  • FAK-toekenning vir volgehoue bevordering en vertolking van die Afrikaanse lied (1995)
  • SAMA-toekenning vir Hot Gates. (1996)
  • Erepenning deur Suid-Afrikaanse Akademie vir Wetenskap en Kuns: bydrae tot ligte Afrkaanse musiek (1997)
  • Eretoekenning van haar hoërskool, Jan van Riebeeck, in Kaapstad. (1997)
  • SAMA-nominasie vir: Beste volwasse kontemporêre album: Afrikaans, vir “Hei mevrou Brown (dit gaan goed)” (1999)
  • Vonk-Oscar: Lewenslange bydrae tot Afrikaanse musiek (2004)
  • Vonk-Oscar: Album van die jaar - Die nuwe Trefferalbum (2004)
  • SAMA-nominasie: Beste volwasse kontemporêre album - My ou Tante Koba (2004)
  • Geraas-toekenning: Beste versamelalbum - Die nuwe Trefferalbum (2005)
  • Laurika word gekies as een van vyf Afrikaanse ikone wat onafhanklik bepaal is tydens ATKV se mediaveldtog: Afrikaans Kook (2005)
  • KANNA-nominasie: Plakboek - saam met Amanda Strydom (2005)
  • Rapport en City Press: Prestige-toekenning (2005)
  • Huisgenoot Skouspel: Toekenning vir lewenslange bydrae (2006)
  • Toekenning van Dames Aktueel: Diens in Afrikaanse musiek (2007)
  • Toekenning van die Gariep-Kunstefees vir: Uitstaande bydrae tot die Suid-Afrikaanse Kunste (2009)
  • Toekennng deur die organisasie, Want ons kan!, vir: Jare se inspirasie (2012)
  • Toekenning van Cultivaria: Uitsonderlike treffers in Afrikaans (2012)
  • KANNA-toekenning vir die produksie: Dorothy 60 jaar tydens die KKNK (2013)
  • Woordtrofee van US Woordfees: Beste kontemporêre musiekproduksie by die fees vir Liedjies vir alle tye. (2014)
  • VLU se Kunstenaar van die jaar (2014)
  • KANNA-nominasie: Hart en See by die KKNK (2014)
  • Clover-toekenning: Gewildste produksie by Aardklop vir Nie as ek sing nie. (2015)
  • Versnit-toekenning: Erkenning vir 'n besondere bydrae tot die Afrikaanse Kultuurskat (2015)
  • Ghoema-toekenning: Lewensbydrae (2015)
  • Ghoema-toekenning: Beste kontemporêre album deur 'n vroulike kunstenaar vir Wals, wals Willemien. (2015)
  • KykNET Fiësta-nominasie: Beste prestasie in 'n musiekgedrewe produksie asook vir beste musiekgedrewe produksie vir Nie as ek sing nie. (2016)
  • Goue toekenning van Coleske Artists: Meer as 20 000 verkope van Wals, wals Willemien. (2016)
  • Ghoema-toekenning saam met Elvis Blue: Beste DVD-produksie vir Hart en See. (2016)
  • Tempo-toekenning saam met Elvis Blue: Topverkoper en DVD van die jaar vir Hart en See. (2016)
  • FAK Prestige-toekenning: Besondere kultuurprestasie vir lewenslange bydrae tot die bevordering van Afrikaanse musiek. (2016)
  • Toekenning van die Orde van Ikhamanga (brons) van die Presidensie. (2016)
  • Ghoema-toekenning: Luitoon van die jaar vir Blou saam met Loki Rothman. (2017)
  • Ghoema-toekennig vir Beste kontemporêre album deur ‘n vroulike kunstenaar vir Die reis. (2017)
  • Bokkie-toekenning vir lewenslange musiekbydrae (2017)
  • Laurika is as die 135ste lid van die Suid-Afrikaanse Heldesaal ingesluit by Sun Arena by Times Square in Pretoria. (2019)

Sien ook[wysig | wysig bron]

Verwysings[wysig | wysig bron]

  1. (en) President Zuma bestows National Orders Awards, Jacarandafm.com. URL besoek op 30 April 2016.

Bronne[wysig | wysig bron]

Eksterne skakels[wysig | wysig bron]