Colin Firth

in Wikipedia, die vrye ensiklopedie
Spring na: navigasie, soek
Colin Firth
'n Beeld van die betrokke persoonlikheid.
Firth in 2009 by die Venesiese Rolprentfees.

Geboortenaam Colin Andrew Firth
Geboorte 10 September 1960 (1960-09-10) (57 jaar oud)
Aktiewe jare 1983-tans

Colin Andrew Firth CBE (gebore op 10 September 1960) is ’n Britse akteur. Sy 42 prente het wêreldwyd al meer as $3 miljard ingebring.[1]

Loopbaan[wysig | wysig bron]

Hy was in die 1980's deel van die opkomende jong Britse akteurs, en dit was eers in 1995 met sy rol as Mr. Darcy in die TV-reeks Pride and Prejudice dat hy groter erkenning gekry het. Dit het gelei tot rolle in rolprente soos The English Patient, Bridget Jones's Diary (waarvoor hy vir ’n Bafta benoem is), Shakespeare in Love en Love Actually. In 2009 het hy groot lof gekry vir sy hoofrol in A Single Man, waarvoor hy vir ’n Oscar benoem is en die Bafta vir beste akteur gewen het.

In 2011 het hy ’n ster op die Hollywood Walk of Fame gekry en is hy aangewys as een van die tydskrif Time se "Time 100".[2] In 2014 het hy in die aksiespioenasiekomedie Kingsman: The Secret Service gespeel, wat ’n kommersiële sukses was en goeie resensies gekry het.

Firth het ’n Oscar, Golden Globe, twee Britse Akademiepryse en drie Screen Actors Guild Awards gewen, sowel as die Volpi Cup. Sy bekendste en mees geloofde rol was as koning George VI van die Verenigde Koninkryk in The King's Speech (2010), waarvoor hy ’n Oscar en verskeie ander pryse gewen het vir beste akteur.

Ander projekte[wysig | wysig bron]

Firth is in veldtogte betrokke vir die regte van inheemse bevolkingsgroepe en is lid van Survival International. Hy veg ook vir die regte van asielsoekers en vlugtelinge, en vir die omgewing. Hy het opdrag gegee vir ’n wetenskaplike dokument oor die ondersoek na die verskille in die breinstruktuur van mense van verskillende politieke oriëntasies, en word erken as een van die medeskrywers daarvan.[3]

Verwysings[wysig | wysig bron]

  1. "Colin Firth's Box Office Stats". The Movie Times. Verkry op 23 Januarie 2013. 
  2. "Full List – The 2011 TIME 100", Time, 21 April 2011. URL besoek op 8 Oktober 2012.
  3. "Colin Firth credited in brain research". BBC News.