Cor Caroli

in Wikipedia, die vrye ensiklopedie
Jump to navigation Jump to search
α Canum Venaticorum
Emoji u2b55.svg
Die ligging van α Canum Venaticorum (in die rooi sirkel).
Die ligging van α Canum Venaticorum (in die rooi sirkel).
Sterrebeeld Jaghonde
Bayer-naam Alpha Canum Venaticorum
Spektraaltipe α2 CVn: A0pSiEuHg[1]
α1 CVn: F2V[2]
Soort Dubbelster
Waarnemingsdata (Epog J2000)
Regte klimming α2 CVn: 12h 56m 01.66622s[3]
α1 CVn: 12h 56m 00.43258s[3]
Deklinasie α2 CVn: +38° 19′ 06.1541″[3]
α1 CVn: +38° 18′ 53.3768″[3]
Skynmagnitude (m) α2 CVn: 2,84 tot 2,98[4]
α1 CVn: 5,6[5]
Besonderhede
Massa (M) α2 CVn: 2,97 ± 0,07[6]
α1 CVn: 1,47 ± 0,15[7]
Radius (R) α2 CVn: 2,49 ± 0,26[6]
α1 CVn: 1,5[7]
Ligsterkte (L) α2 CVn: 101 ± 12[6]
Ouderdom (jaar) α2 CVn: 165+60−70 miljoen[6]
Temperatuur (K) α2 CVn: 11 600 ± 500[6]
α1 CVn: 7 080[7]
Afstand (ligjaar) ~120
Rotasiespoed (km/s) α2 CVn: 18,4 ± 0,5[6]
α1 CVn: 18[8]
Eienskappe
Veranderlikheid α2 CVn: Alpha2 Canum Venaticorum-veranderlike
Veelvoudigheid 2
Ander name
α CVn, 12 CVn, BD+39° 2580, ADS 8706 AB, CCDM J12560+3819B
α2 CVn: α CVn A, 12 CVn A, FK5 485, GC 17557, HD 112413, HIP 63125, HR 4915, SAO 63257.
α1 CVn: CVn B, 12 CVn B, GC 17556, HD 112412, HIP 63121, HR 4914, SAO 63256.
Portaal  Portaalicoon   Sterrekunde

Die Cor Caroli-stelsel is ’n dubbelster met die Bayer-naam Alpha Canum Venaticorum (afgekort as α CVn). Die Internasionale Astronomiese Unie (IAU) gebruik die naam "Cor Caroli" spesifiek vir die helderste van die twee sterre.[9] Alpha Canum Venaticorum is die helderste ligpunt in die noordelike sterrebeeld Jaghonde (Canes Venatici).

Naam[wysig | wysig bron]

"Alpha Canum Venaticorum" is die stelsel se Bayer-naam. Die helderste ster word "α2 Canum Venaticorum" genoem en die dofste een "α1 Canum Venaticorum".[10]

Alpha Canum Venaticorum het die naam "Cor Caroli" in die 17de eeu gekry; dit beteken "Karel se Hart". Daar is onsekerheid oor na wie die ster genoem is: koning Karel I van Engeland, wat in 1649 tereggestel is tydens die Engelse Burgeroorlog, of sy seun, koning Karel II, wat die Britse monargie in 1660 herstel het.

Eienskappe[wysig | wysig bron]

Cor Caroli, soos op 1 Maart 2011 van Noord-Engeland af gesien.

Alpha Canum Venaticorum is ’n dubbelster met ’n gesamentlike skynbare magnitude van 2,81. Die twee sterre is 19,6 boogsekondes van mekaar af en kan maklik met ’n klein teleskoop uit mekaar geken word. Die stelsel is sowat 110 ligjare van die Son af.

α2 CVn[wysig | wysig bron]

α2 CVn is van spektraaltipe A0 en het ’n skynbare magnitude wat wissel tussen 2,84 en 2,98, met ’n tydperk van 5,47 dae.[4] Dit is ’n uitsonderlike ster met ’n sterk magneetveld, wat sowat 5 000 keer so sterk soos die Aarde s’n is, en word geklassifiseer as ’n Ap/Bp-ster.[11] Sy atmosfeer het ’n oorvloed van sekere elemente soos silikon, kwik en europium. Dit is vermoedelik omdat sekere elemente in die ster afsak onder die invloed van sy swaartekrag, terwyl ander na die oppervlak styg vanweë stralingsdruk.[10][11] Die ster is die prototipe van ’n klas veranderlike sterre wat Alpha2 Canum Venaticorum-veranderlikes genoem word. Daar word geglo dié sterre se sterk magneetveld veroorsaak enorme stervlekke. Vanweë dié stervlekke wissel die helderheid van Alpha2 Canum Venaticorum-sterre aansienlik gedurende hulle rotasie.

α1 Canum Venaticorum[wysig | wysig bron]

α1 Canum Venaticorum is ’n F-tipe hoofreeksster. Dit is aansienlik dowwer as sy metgesel en het ’n skynbare magnitude van sowat 5,6.[5]

Verwysings[wysig | wysig bron]

  1. HR 4915, database entry, The Bright Star Catalogue, 5de hersiene uitg., D. Hoffleit en W. H. Warren jr., CDS ID V/50. Besoek op 2 November 2009.
  2. (2003) “Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I”. The Astronomical Journal 126 (4): 2048. doi:10.1086/378365.
  3. 3,0 3,1 3,2 3,3 van Leeuwen, F. (2007). “Validation of the new Hipparcos reduction”. Astronomy and Astrophysics 474 (2): 653–664. doi:10.1051/0004-6361:20078357.
  4. 4,0 4,1 alf 2 CVn, databasis, The combined table of GCVS Vols I-III and NL 67-78 with improved coordinates, General Catalogue of Variable Stars, Sternberg Astronomical Institute, Moskou, Rusland. Besoek op 2 November 2009.
  5. 5,0 5,1 (2002) “VizieR Online Data Catalog: Catalogue of Stellar Photometry in Johnson's 11-color system”. CDS/ADC Collection of Electronic Catalogues 2237.
  6. 6,0 6,1 6,2 6,3 6,4 6,5 (2010) “Magnetic Doppler imaging of α2 Canum Venaticorum in all four Stokes parameters”. Astronomy and Astrophysics 513: A13. doi:10.1051/0004-6361/200913860.
  7. 7,0 7,1 7,2 (1999) “Fundamental parameters of nearby stars from the comparison with evolutionary calculations: masses, radii and effective temperatures”. Astronomy and Astrophysics 352: 555–562.
  8. (2007) “Rotational velocities of A-type stars”. Astronomy and Astrophysics 463 (2): 671. doi:10.1051/0004-6361:20065224.
  9. "IAU Catalog of Star Names". Besoek op 28 Julie 2016.
  10. 10,0 10,1 Cor Caroli Geargiveer 4 Julie 2008 op Wayback Machine, Stars, Jim Kaler. Besoek op 15 September 2008.
  11. 11,0 11,1 "Cor Caroli", bl. 49, The hundred greatest stars, James B. Kaler, Springer, 2002, ISBN 0-387-95436-8.

Eksterne skakels[wysig | wysig bron]