Daphné-klas duikboot

Daphné-klas duikboot

submarine class

Subklas van	attack submarine
Kort naam	Daphné
Vernoem na	Daphne
Voorafgegaan deur	Aréthuse-class submarine
Opgevolg deur	Agosta-class submarine, Rubis-class submarine
Land van oorsprong	Frankryk
Operateur	Franse Vloot, Spaanse Vloot, Suid-Afrikaanse Vloot, Portugese Vloot
Vervaardiger	Naval Group

Die Daphné-klas duikboot was 'n klas diesel-elektries aangedrewe duikbote wat ontwerp en gebou is deur die Franse maatskappy, DCNS, vir die Franse Vloot in 1964. Die klas was bemark deur die Franse Regering vir die uitvoermark. Die klas se bote het diens gedoen in die Suid-Afrikaanse Vloot terwyl subklasse verkoop is aan die vlote van Pakistan, Portugal en Spanje.

Geskiedenis

Duikbote in hierdie klas is vergrote weergawes van die Aréthuse-klas. Elf duikbote in die klas was deur Frankryk self gebruik terwyl Pakistan (3), Portugal (4), Suid-Afrika (3) en Spanje (4) die duikbote ook aangeskaf het. Twee duikbote van Frankryk, Eurydice (1970) en Minerve (1968) het per ongeluk gesink en dit het veroorsaak dat die verkope van die duikboot gestaak is. Die oorsaak van beide ongelukke was toegeskryf aan 'n foutiewe snorkelontwerp. Die duikbote was almal uit diens gestel in die 1990's terwyl Portugal een van sy bote aan Pakistan verkoop het. Die Pakistanse duikboot PNS Hangor het 'n Indiese fregat gedurende die Indies-Pakistanse Oorlog in 1971 gekelder. Pakistan het al sy duikbote uit diens gestel en vervang.

Ontwerpkenmerke

Die Daphné-klas-duikbote het agt torpedobuise aan die voorkant en vier in die agterkant. Die buise het almal 'n 550-mm deursnee en kon slegs Fransvervaardigde torpedo's gebruik. Die buise aan die voorkant was vollengte (vir gebruik teen skepe of ander duikbote) terwyl die buise aan die agterkant die verkorte lengte (vir gebruik teen duikbote, in outomatiese verdediging) was.

Die voorduikroer was in die middel van die romp en kon nie terugtrek of opvou nie.

Duikbote

• Franse Vloot
  • S641 Daphné – voltooi 1964 – uit diens gestel 1989
  • S642 Diane – voltooi 1964 – uit diens gestel 1989
  • S643 Doris – voltooi 1964 – uit diens gestel 1994
  • S644 Eurydice – voltooi 1964 – verlore in ongeluk op 4 Maart 1970
  • S645 Flore – voltooi 1964 – uit diens gestel 1989, bewaar in 'n museum in Lorient, Frankryk
  • S646 Galatée – voltooi 1964 – uit diens gestel 1991
  • S647 Minerve – voltooi 1964 – verlore in ongeluk op 27 Januarie 1968
  • S648 Junon – voltooi 1966 – uit diens gestel 1996
  • S649 Vénus – voltooi 1966 – uit diens gestel 1990
  • S650 Psyché – voltooi 1970 – uit diens gestel 1996
  • S651 Sirène – voltooi 1970 – uit diens gestel 1996

• Pakistanse Vloot (Hangor-klas duikboot)
  • S131 Hangor – voltooi 1970 – uit diens gestel 2006 (in Pakistanse Maritieme Museum)
  • S132 Shushuk – voltooi 1970 – uit diens gestel 2006
  • S133 Mangro – voltooi1970 – uit diens gestel 2006
  • S134 Ghazi (voormalige Portugese Cachalote) – verkry 1975 – uit diens gestel 2006

• Portugese Vloot (Albacora-klas duikboot)
  • S163 Albacora – voltooi 1967 – uit diens gestel 2000
  • S164 Barracuda – voltooi 1968 – uit diens gestel 2010. Tans in museum in Almada, Lissabon.
  • S165 Cachalote – voltooi 1969 – verkoop aan Pakistan in 1975
  • S166 Delfim – voltooi 1969 – uit diens gestel 2005

• Suid-Afrikaanse Vloot
  • S97 SAS Maria van Riebeeck – hernoem na SAS Spear – voltooi 1970 – uit diens gestel 2003
  • S98 SAS Emily Hobhouse – hernoem na SAS Umkhonto – voltooi 1970 – uit diens gestel 2003
  • S99 SAS Johanna van der Merwe – hernoem na SAS Assegaai – voltooi 1971 – uit diens gestel 2003 – omgeskakel as museumskip

• Spaanse Vloot (gebou deur Bazan by Cartagena skeepswerf)
  • S61 Delfín – voltooi 1973 – uit diens gestel 2003, museum skip te Torrevieja
  • S62 Tonina – voltooi 1973 – uit diens gestel 2005, museum skip te Cartagena
  • S63 Marsopa – voltooi 1975 – uit diens gestel 2006
  • S64 Narval – voltooi 1975 – uit diens gestel 2003

Galery

• 
  Daphné-klas duikboot Ghazi (S-134)
• 
  Psyché
• 
  Doris