Das ist je gewißlich wahr

in Wikipedia, die vrye ensiklopedie
Jump to navigation Jump to search


Das ist je gewißlich wahr, TWV 1:183, is 'n kantate van Georg Philipp Telemann. Dit is voorheen aan Johann Sebastian Bach toegeskryf en verskyn in die Bach-Werke-Verzeichnis as item nr. 141, maar is in die tweede uitgawe van die katalogus, wat uit die 1990's dateer, na Anhang III, die bylaag vir onegte werke, verskuif.

Die libretto van die kantate is deur Johann Friedrich Helbig geskryf en is in 1720 gepubliseer. Omstreeks 1723 kopieer Johann Balthasar König die manuskrip en skryf dit aan Telemann toe. Die onegte toeskrywing aan Bach begin in gekopieerde manuskripte wat uit die tweede helfte van die 18de eeu dateer.