David Copperfield

in Wikipedia, die vrye ensiklopedie
Spring na: navigasie, soek
David Copperfield
’n Beeld van die betrokke persoonlikheid.
Geboortenaam David Seth Kotkin
Gebore 16 September 1956
Metuchen, New Jersey
Nasionaliteit Verenigde State
Beroep Kulkunstenaar
Kind(ers) 2

David Copperfield (regte naam David Seth Kotkin; 1956-) is ’n Amerikaanse kulkunstenaar. Hy is bekend vir sy indrukwekkende toertjies, soos om die Amerikaanse Vryheidstandbeeld en 'n vliegtuig te laat verdwyn, en dwarsdeur die Groot Muur van Sjina te loop.[1] Sy kunstenaarsnaam is heel waarskynlik van Charles Dickens se gelyknamige boek ontleen.

Lewensloop[wysig | wysig bron]

Copperfield in 2007

David Seth Kotkin is op 16 September 1956 in Metuchen in New Jersey gebore. Hy begin op 12 met toertjies en gee reeds op 16 klas in die kulkunste aan die Universiteit van New York.[2]

In 1981 het hy homself onder andere in die helfte deur gesaag. In 1982 was hy deel van Project Magic, 'n rehabilitasieprogram wat gestremde kinders gehelp het.

Die tydskrif Forbes het hom as die kommersieel suksesvolste kulkunstenaar in die geskiedenis beskryf.[3] Met 'n geraamde inkomste van 57 miljoen dollar in 2003, het hy 'n 10de plek op die lys van hoogste besoldigde bekendes ter wêreld beklee.

Hy het al 11 Guinness World Records opgestel[4] en 'n totaal van 21 Emmy-pryse gewen.[2] Hy is ook met 'n ster op die Hollywood Walk of Fame vereer.[2] Die Franse regering het hom tot ridder geslaan en die die Amerikaanse Library of Congress het hom 'n "lewende legende" genoem.[5]

Copperfield het 'n jarelang verhouding met die topmodel Claudia Schiffer gehad en het twee kinders.[6]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. 2,0 2,1 2,2 "David Copperfield Biography". Bio. A&E Television Networks, LLC. Verkry op 3 Februarie 2017. 
  3. "Houdini in the Desert". Forbes.com. 3 Februarie 2017
  4. Guinness World Records 2006, p. 197 ISBN 1-904994-02-4
  5. "Living Legends". Library of Congress. Verkry op 3 Februarie 2017. 
  6. National Enquirer van 23 Januarie 2008 op die Internet Archive.

Eksterne skakels[wysig | wysig bron]