De Telegraaf

in Wikipedia, die vrye ensiklopedie
Jump to navigation Jump to search
'n Eksemplaar van die koerant

De Telegraaf is die grootste Nederlandse dagblad.[1] Die gedrukte weergawe het in 2015 'n daaglikse sirkulasie van 430,686 gehad.[2] Paul Jansen is sedert Augustus 2015 die hoofredakteur.[1]

De Telegraaf is gebaseer in Amsterdam en word besit deur Mediahuis.

Geskiedenis[wysig | wysig bron]

'n Reklameplakaat uit 1898

19de eeu[wysig | wysig bron]

De Telegraaf is gestig deur Henry Tindal, wat gelyklopend hiermee die koerant De Courant begin het. Die eerste uitgawe het op 1 Januarie 1893 verskyn.

20ste eeu[wysig | wysig bron]

Na die dood van Tindal op 31 Januarie 1902 het HMC Holdert, met die steun van finansiers, De Telegraaf en De Courant op 12 September 1902 oorgeneem. Dit was 'n goeie belegging, veral ten opsigte van De Courant, en het Holdert tussen 1903 en 1923 in staat gestel om die een koerant na die ander oor te neem. Hy het die subtitel "Amsterdamsche Courant" bygevoeg tot De Telegraaf, en "Het Nieuws van den Dag" tot De Courant.

Tydens die Eerste Wêreldoorlog, toe Nederland amptelik neutraal was, het Holdert se Franse simpatieë en sy pro- Britse standpunt veroorsaak dat die De Telegraaf kontroversieel was, aangesien Nederland destyds Duitsgesind was.

In 1926 het Holdert met die bou van 'n nuwe drukfasiliteit by die Nieuwezijds Voorburgwal in Amsterdam begin wat ontwerp is deur J.F. Staal en G.J. Langhout. Die gebou is in 1930 in gebruik geneem.

Tydens die Tweede Wêreldoorlog het die Telegraaf-groep van maatskappye pro-Duitse publikasies uitgegee, wat nà die oorlog gelei het tot 'n publikasieverbod van 30 jaar. Die verbod is egter in 1949 opgehef en De Telegraaf het opnuut gefloreer en weldra die grootste koerant in Nederland geword.

In Junie 1966 is die Telegraaf-gebou deur konstruksiewerkers en Provo-volgelinge beleër na 'n valse berig dat 'n slagoffer van 'n arbeidsgeskil nie deur die polisie nie maar deur 'n medewerker gedood is. In 1974 het De Telegraaf na 'n nuwe ligging aan Basisweg geskuif.

In die tydperk van 1995 tot 1996 het De Telegraaf 'n oplaag van 760,000 eksemplare gehad, wat dit die topverkoper in die land gemaak het. [3]

De Courant/Nieuws van de Dag se publikasie is in 1998 gestaak. In 1999 was die sirkulasie van De Telegraaf 808,000 eksemplare, wat dit negende in Europa geplaas het wat sy sirkulasiesyfers betref. [4]

21ste eeu[wysig | wysig bron]

De Telegraaf was in 2001 agtste in Europa wat sy sirkulasiesyfers betref, met 'n oplaag van 807,000 eksemplare. [5] Dit het 'n Sondaguitgawe op 21 Maart 2004 bygevoeg. Die Sondaguitgawe is egter op 27 Desember 2009 gestaak. Die sirkulasie was in 2013 488,902 eksemplare. [6] [5][7] In 2014 was dit 455,727,[8] waarna dit gedaal het tot 430,686 in 2015.[2]Sirkulasie het in 2017 gedaal tot 393,537.

Op 26 Junie 2018 het 'n afleweringswa doelbewus die kantoorgebou van De Telegraaf binnegedring en daarna vlam gevat. Die brand is waarskynlik deur die bestuurder gestig met die doel om met 'n wegkommotor te ontsnap. Die gebou het aansienlike skade opgedoen.[9] Die polisie is van mening dat die aanval deur georganiseerde misdaadsindikate uitgevoer is; vier dae tevore was die gebou van Panorama ook die teiken van 'n aanval, moontlik omdat albei publikasies oor ernstige misdaad berig. [10] Panorama se kantoor is getref deur 'n anti-tenk-missiel - 'n lid van 'n motorfietsbende is vir die aanval gearresteer.

Verwysings[wysig | wysig bron]

  1. 1,0 1,1 (in Nederlands) Haro Kraak, "Gaat Paul Jansen de crisis bij De Telegraaf oplossen?", de Volkskrant, 2015. Opgespoor op 1 Augustus 2015.
  2. 2,0 2,1 Lars Pasveer, "Parool, Trouw en Volkskrant vergroten printoplage" (in Nederlands), Villamedia, 2016. Opgespoor op 24 Junie 2016.
  3. Media Policy: Convergence, Concentration & Commerce. SAGE Publications. 24 September 1998. p. 7. ISBN 978-1-4462-6524-6. Besoek op 1 Desember 2014.
  4. "Top 100 Dailies 1999". campaign. 24 November 2000. Besoek op 12 Februarie 2015.
  5. 5,0 5,1 Adam Smith (15 November 2002). "Europe's Top Papers". campaign. Besoek op 5 Februarie 2015.
  6. (in Nederlands) "Betaalde oplage grootste kranten daalt verder", De Telegraaf, 2014.
  7. "Telegraaf moves to compact format and Metro becomes more complete". Publicitas. 10 Oktober 2014. Geargiveer vanaf die oorspronklike op 29 November 2014. Besoek op 16 November 2014.
  8. (in Nederlands) "Papieren oplage kranten daalt verder", Nederlandse Omroep Stichting, 2015. Opgespoor op 1 Augustus 2015.
  9. https://www.bbc.co.uk/news/av/world-europe-44619097/de-telegraaf-attack-car-rams-dutch-newspaper-office
  10. Hans Marijnissen en Edwin Kreulen (26 Junie 2018). "Na Panorama is nu de Telegraaf aan de beurt: auto vernielt kantoorpui". Trouw. Besoek op 26 Junie 2018.

Eksterne skakels[wysig | wysig bron]