Delawarerivier

in Wikipedia, die vrye ensiklopedie
Jump to navigation Jump to search
Delawarerivier
Die Delawarerivier in Philadelphia
Die Delawarerivier in Philadelphia
Delawarerivermap.png
Die stroomgebied van die Delawarerivier.
Oorsprong Saamvloei van die West Branch en East Branch
Monding Delaware Bay, Delaware en New Jersey
Atlantiese Oseaan
Stroomgebied New York, Pennsilvanië, New Jersey, Delaware
Lengte 484 km (301 myl)
Oorspronghoogte 268 m (880 voet)
Mondinghoogte 0 m (0 voet)
Gemiddelde afloop 371 m³/s (13 100 ft³/s)
Stroomgebiedopp. 36 568 km² (14 119 myl²)
Kaart van die Delawarerivier-bekken in Noord-Amerika.
Kaart van die Delawarerivier-bekken in Noord-Amerika.

Die Delawarerivier is een van die grootste rivier in noordoos Amerika. Die rivier is 450 km lank (uitgesluit die strandmeer en baai) en kronkel deur verskeie deelstate. Die rivier mond uit in Delawarebaai; dié is ongeveer 89 km lank en 20 km wyd. Die rivier ontspring as twee sytakke in die Catskillberge in die deelstaat New York naamlik die West Branch en die East Branch. Beide vloei parrallel suidwes deur Delaware County, New York. By 'n dorpie genaamd Deposit, New York draai die West Branch skerp 90 grade in 'n suidoostelike rigting en die East Branch vloei by Hancock in die West Branch in. Hiervandaan staan die rivier bekend as die Delawarerivier. Die rivier vloei nou suidoos as die grens tussen New York en Pennsylvania. Port Jervis, New Jersey is 'n plek waar die drie deelstate, New York, New Jersey en Pennsylvania se grense bymekaar kom. Hier maak die rivier nog 'n reghoekige draai en vloei nou suidwes en vorm nou die grens tussen Pennsylvania en New Jersey. Naby Stroudsburg, Pennsylvania, draai die rivier weereens suidoos en sny deur die Kittatinny Berge in wat as die Delaware Water Gap bekend staan. Net suid van Trenton, New Jersey swaai die rivier weereens suidwes en mond uit in Delawarebaai.

Die rivier het 'n groot rol gespeel in die geskiedenis van die Verenigde State. Op 25 Desember 1776 het George Washington sy beroemde kruising van die rivier gemaak om die Britse Mag te verslaan in die Slag van Trenton.

Dorpe wat langs die rivier geleë is[wysig | wysig bron]

Bron[wysig | wysig bron]

  • Collier's Encyclopedia, Crowell-Collier Educational Corporation, Volume 8, Bladsy 62.