Delawarebaai

in Wikipedia, die vrye ensiklopedie
Jump to navigation Jump to search
Delawarebaai
Delawarebaymodis.jpg
Lugfoto van die Delawarebaai
Delaware bay map.jpg
Kaart van die Delawarebaai
Koördinate: 39°4′N 75°10′W / 39.067°N 75.167°W / 39.067; -75.167Koördinate: 39°4′N 75°10′W / 39.067°N 75.167°W / 39.067; -75.167
Ligging: Delaware, New Jersey, Verenigde State
Soort: Baai van die Atlantiese Oseaan
Oppervlakte: 2 030 km² (782 myl²)[1]
Invloei: Delawarerivier
Uitvloei: Atlantiese Oseaan
Nedersettings: Wilmington, Delaware

Die Delawarebaai (Engels: Delaware Bay) is 'n estuarium ('n breë, tregtervormige riviermonding) aan die noordooskus van die Verenigde State van Amerika waar die Delawarerivier in die Atlantiese Oseaan uitmond. Die baai word binnelands deur die deelstate New Jersey en Delaware begrens. Dit beslaan 'n oppervlak van 2 030 vierkante kilometer.

Die hawens langs die baai word deur die Delaware River and Bay Authority bestuur. Cape Henlopen en Cape May is aan weerskante van die estuarium se bek langs die Atlantiese Oseaan geleë. Die Cape May-Lewes Veerboot oorkruis die baai vanaf Cape May in New Jersey na Lewes in Delaware.

Die oewers van die baai bestaan grootliks uit soutmoerasse en moddervlaktes. Slegs klein gemeenskappe bewoon die oewers van die laer baai. Naas die gelyknamige Delawarerivier vloei die volgende riviere in die baai in:

Vanuit die deelstaat Delaware:

  • Christina River
  • Appoquinimink River
  • Leipsic River
  • Smirna River
  • St Jones River
  • Murderkill River

Vanuit die deelstaat New Jersey:

  • Salem River
  • Cohansey River
  • Maurice River

Die baai, waar soet rivierwater oor etlike myle met seewater meng, fungeer as broeiplek vir verskeie akwatiese spesies, met inbegrip van die Atlantiese hoefysterkrap (Limulus polyphemus). Die gebied is op 20 Mei 1992 as 'n RAMSAR-beskermde vleiland geproklameer. Dit was ook die eerste gebied wat in die netwerk van die Westelike Halfrond se Strandvoël Reservate geregistreer is. Oesters word op groot skaal hier verbou.

Verwysings[wysig | wysig bron]

Eksterne skakels[wysig | wysig bron]