Demokratiese Unionisteparty

in Wikipedia, die vrye ensiklopedie
Spring na: navigasie, soek
Democratic Unionist Party
DUP
Logo van die betrokke party.
Leier Arlene Foster (partyleier); Maurice Morrow, Baron Morow (voorsitter)
Gestig 30 September 1971
Voorafgegaan deur Protestant Unionist Party
Hoofkwartier 91 Dundela Avenue, Belfast, Co. Antrim, Northern Ireland
Ideologie Britse unionisme, Euroskeptisisme
Amptelike kleure Rooi, wit en blou
Webblad mydup.com

Die Demokratiese Unionisteparty (Democratic Unionist Party, DUP) is 'n politieke party in Noord-Ierland wat die huidige grondwetlike status van dié land as deel van die Verenigde Koninkryk wil bewaar en uitbou en gekant is teen enige Ierse deelname aan politieke prosesse in Noord-Ierland. As sulks verteenwoordig dit veral die Protestantse element in die Noord-Ierse bevolking.

Die party is in 1971 op die hoogtepunt van die onluste in Noord-Ierland, die sogenaamde Troubles, gestig deur Ian Paisley, 'n predikant in die Free Presbyterian Church of Ulster. Die party het hom destyds as "regsgesind" ten opsigte van grondwetlike kwessies en as "linksgesind" ten opsigte van sy maatskaplike politiek beskryf.[1] Sterk historiese bande met Paisley se kerk word weerspieël in die DUP se beleid. So is Demokratiese Unioniste tans gekant teen die wettiging van aborsie en selfdegeslaghuwelike in Noord-Ierland.

Die DUP het, met Arlene Foster as sy huidige leier, tot die invloedrykste Unionisteparty gegroei wat in die algemene Noord-Ierse verkiesings van 2017 die meeste setels (28) in die Noord-Ierse Vergadering kon verower. In die algemene Britse verkiesing, wat op 8 Junie 2017 gehou is, het die DUP met tien setels die vyfde grootste party in die Britse Laerhuis geword en sal moontlik 'n konserwatiewe minderheidsregering tydens belangrike stemmings van wedersydse belang steun.

Verwysings[wysig | wysig bron]

  1. Jonathan Tonge: Northern Ireland: Conflict and Change. Tweede uitgawe. Harlow: Pearson Education 2002, bl. 59