Desperate Housewives

in Wikipedia, die vrye ensiklopedie
Desperate Housewives
Genre Satiredrama
Geskep deur Marc Cherry
Geskryf deur Marc Cherry, Bob Daily en Jeff Greenstein
Geregisseer deur Larry Shaw
David Grossman
e.a.
Met Teri Hatcher
Felicity Huffman
Marcia Cross
Eva Longoria
Ricardo Antonio Chavira
Andrea Bowen
Doug Savant
Kyle MacLachlan
Nicollette Sheridan
Dana Delany
Drea de Matteo
Shawn Pyfrom
Maiara Walsh
James Denton
Vanessa Williams
Richard Burgi
Vertel deur Brenda Strong
Temamusiekkomponis Danny Elfman
Openingstema Desperate Housewives Theme
Komponis(te) Steve Bartek
Stewart Copeland
Steve Jablonsky
Oorsprong VSA
Taal Engels
Aantal seisoene 7
Aantal episodes 157
Produksie
Uitvoerende vervaardiger(s) Marc Cherry
Tom Spezialy (Seisoene 1-2)
Michael Edelstein (Seisoene 1-2)
Joe Keenan (Seisoen 3)
George W. Perkins (Seisoen 3-4)
Bob Daily (Seisoen 4)
John Pardee & Joey Murphy (Seisoen 4)
Kevin Murphy (koüitv.)
Chris Black (koüitv., Seisoen 2)
Larry Shaw (koüitv., Seisoen 3)
David Grossman (koüitv., Seisoen 3)
Redigeerder(s) Kevin Etten (Seisoen 1)
Jenna Bans & Josh Senter (Seisoene 2-3)
Dahvi Waller (Seisoen 3)
Kamera-opstelling Multikamera
Uitsending
Oorspronklike kanaal ABC
Beeldformaat (SDTV),
576i (SDTV),
720p (HDTV) ABC HD,
1080i (HDTV) Kanaal 4 HD
Klankformaat 5.1-kanaal ruimteklank
Oorspronklike lopie 3 Oktober 2004 – hede
Kronologie
Webskakels
Amptelike webwerf

Desperate Housewives is 'n Amerikaanse televisiereeks wat deur Marc Cherry, die reeksorganiseerder, geskep is en deur ABC Studios en Cherry Productions vervaardig word. Vir die vierde seisoen van die reeks was Marc Cherry, Bob Daily, George W. Perkins, John Pardee, Joey Murphy, David Grossman, Larry Shaw en Sabrina Wind die uitvoerende vervaardigers.

Die milieu van die verhaal is die straat Wisteria Lane in die fiktiewe Amerikaanse stad Fairview in Eagle State. Die verhaal volg hoofsaaklik die lewe van 'n groep vroue uit die perspektief van hul dooie buurvrou. Dit vertel van hul huishoudelike worstelinge en gesinslewe terwyl hulle met die geheime, misdade en raaisels gekonfronteer word wat agter die geslote deure van hul oënskynlik pragtige en skynbaar perfekte voorstedelike woongebied skuil.

Die reeks het 'n ensemble-rolverdeling waarvan die huisvroue Susan Mayer (Teri Hatcher), Lynette Scavo (Felicity Huffman), Bree van de Kamp (Marcia Cross) en Gabrielle Solis (Eva Longoria) aan die hoof staan. Die verteller is Mary Alice Young (Brenda Strong). Haar karakter verskyn ook sporadies in terugflitse of drome.

Sedert die reeks se première op die American Broadcasting Corporation (ABC) op 3 Oktober 2004 is dit krities sowel as deur die gehoor goed ontvang. Die reeks het al meermale Emmy-, Golden Globe- en Screen Actors Guild-toekennings ontvang, en daar is in April 2007 berig dat dit die gewildste TV-reeks in sy kategorie wêreldwyd is, met 'n gehoor van sowat 120 miljoen kykers.[1]

Produksie[wysig | wysig bron]

Desperate Housewives word deur skepper Marc Cherry (van Cherry Productions), Austin Bagley en Touchstone Television (nou ABC Studios) vervaardig.

Die idee vir die reeks het aan Marc Cherry gekom toe hy saam met sy moeder 'n nuusverslag oor Andrea Yates gekyk het. Voor Desperate Housewives was Cherry die bekendste vir die skryf en vervaardig van episodes vir ABC Studios / Touchstone Television se trefferkomediereeks The Golden Girls and die se opvolg, The Golden Palace. Daarbenewens het hy ook drie sepies geskep of gekoskep: The 5 Mrs. Buchanans, The Crew en Some of My Best Friends, waarvan geen langer as 'n jaar geloop het nie. Aanvanklik was dit vir Cherry moeilik om enige televisienetwerk te kry om geïnteresseerdheid te toon in sy nuwe reeks — HBO, CBS, NBC, Fox, Showtime en Lifetime het almal sy aanbod afgekeur.[2] Uiteindelik het twee uitvoerendes by ABC, Lloyd Braun en Susan Lyne, die voorgestelde reeks die groen lig gegee.[3] Kort daarna het Disney beide Braun en Lyne afgedank, nadat hulle ook 'n ander nuwe dramareeks, Lost, geodgekeur het.[4]

Die ABC-uitvoerendes was aanvanklik ontevrede oor die naam van die nuwe reeks en het Wisteria Lane en The Secret Lives of Housewives voorgestel.[5] Op 23 Oktober 2003 het ABC egter Desperate Housewives aangekondig, 'n primagleuf sepie geskep deur Charles Pratt jr. (van Melrose Place-faam) en Marc Cherry, wat die nuwe reeks as 'n mengsel van Knots Landing en American Beauty beskryf het.[6] Terwyl Cherry deurgaans by die reeks werksaam was, is Pratt slegs erkenning gegee as uitvoerende vervaardiger vir die loodsepisode. Hy het gedurende die eerste twee seisoene tog as konsulterende vervaardiger by die reeks aangebly.

Op 18 Mei 2004 het ABC hul 2004-2005-tydskedule aangekondig, met Desperate Housewives in die Sondag, 21:00 — 22:00 (oostekus-) tydsgleuf,[7] 'n gleuf waarin dit vandag nog uitgesaai word. Ná slegs drie episodes uitgesaai is, het ABC (op 20 Oktober) aangekondig dat Desperate Housewives, tesame met Lost, vir volle seisoene geskeduleer is.[8]

Op 11 Februarie 2008 het die Amerikaanse Uitsaaikorporasie (ABC) Desperate Housewives vir die 2008-2009-televisieseisoen geskeduleer.[9] Die vyfde seisoen van die reeks het op Sondag 28 September 2008 gedebuteer.

Op 23 April 2009 het ABC die reeks vir 'n sesde seisoen in die 2009-2010-televisieseisoen geskeduleer.[10]

Verwysings[wysig | wysig bron]

  1. Desperate Housewives On SABC3 Confirmed, TVSA News Desk, 3 April 2007.
  2. McDougall, Charles: Desperately seeking a ratings hit Geargiveer 5 Desember 2008 op Wayback Machine, The Daily Telegraph, 5 Januarie 2005
  3. O'Hare, Kate: ‘Desperate Housewives’ Has a Cherry on Top, Zap2it, 19 Maart 2005
  4. Craig, Olga: The man who discovered 'Lost' – and found himself out of a job Geargiveer 24 April 2008 op Wayback Machine, The Daily Telegraph, 13 Augustus 2005
  5. "Desperate Housewives – The Complete First Season” DVD
  6. Development Update: October 23, The Futon Critic, October 23, 2003
  7. 2004 Broadcast Upfront Presentations: ABC, Part 1The Futon Critic, 18 Mei 2004
  8. ABC Orders Back Nine of Top-10 Series; ‘Desperate Housewives’ and ‘Lost’ Get Full Season Pick-Ups, The Futon Critic, 20 Oktober 2004
  9. ABC Announces Scripted Show Renewals
  10. Easy as ABC: "Lost", "Grey's", "Housewives" Renewed, E! Online, 23 April 2009