Die avonture van Huckleberry Finn

in Wikipedia, die vrye ensiklopedie
Jump to navigation Jump to search

Die avonture van Huckleberry Finn is 'n roman van die Amerikaanse skrywer Mark Twain, wat die eerste keer in Desember 1884 in die Verenigde Koninkryk en in Februarie 1885 in die Verenigde State gepubliseer is. In Engels is die roman bekend as Adventures of Huckleberry Finn.

Die werk tel onder die Groot Amerikaanse Romans. Dit is een van die eerste boeke in groot Amerikaanse letterkunde wat regdeur in gewone Engelse omgangstaal geskryf is. Dit word in die eerste persoon vertel deur Huckleberry "Huck" Finn , ook die verteller in ander boeke van Mark Twain, Tom Sawyer oorsee en Tom Sawyer, speurder. Dit is 'n direkte opvolger van Die avonture van Tom Sawyer.

Die boek is bekend vir die verandering van die verloop van kinderliteratuur in Amerika vanweë die "gevoelvolle uitbeelding van seunswees" daarin. Dit is ook bekend vir sy kleurryke beskrywing van mense en plekke langs die Mississippirivier. Die avonture van Huckleberry Finn, wat afspeel in 'n suidelike antebellumsamelewing wat meer as 20 jaar voor die publikasie van die werk ophou bestaan het, is 'n dikwels skerp satire oor gevestigde houdings, veral rassisme.

Die boek is voortdurend gewild by lesers en sedert publikasie ook 'n voortgesette onderwerp van studie by literêre kritici. Met vrystelling is dit wyd gekritiseer vanweë die uitgebreide gebruik van growwe taal. Gedurende die 20ste eeu, en ondanks argumente dat die protagonis en die verloop van die boek anti-rassisties is, is kritiek op die boek voortgesit vanweë die vermeende gebruik van rassestereotipes en die gereelde gebruik van die woord "neger".

Bronne[wysig | wysig bron]

  • Andrew Levy, Huck Finn's America: Mark Twain and the Era that Shaped His Masterpiece. New York: Simon and Schuster, 2015.
  • Beaver, Harold, et al., eds. "The role of structure in Tom Sawyer and Huckleberry Finn." Huckleberry Finn. Vol. 1. No. 8. (New York: Johns Hopkins Textual Studies, 1987) pp. 1–57.
  • Brown, Clarence A. "Huckleberry Finn: A Study in Structure and Point of View." Mark Twain Journal 12.2 (1964): 10-15. Online
  • Buchen, Callista. "Writing the Imperial Question at Home: Huck Finn and Tom Sawyer Among the Indians Revisited." Mark Twain Annual 9 (2011): 111-129. online