Dikwillem
Dikwillem is ‘n opvallende bergspits in die suide van die Namibwoestyn.[1]
Ligging[wysig | wysig bron]
Die alleenstaande kop is by die koördinate 26° 28′ suid, 16° 1′ oos. Dit is 11 km noord van die Garub-spoorweghalte op die spoorlyn tussen Lüderitz en Aus, 15 km noord van die B4-pad tussen Lüderitz en Keetmanshoop, 35 km noordwes van Aus en 80 km oos van Lüderitz in die streek Karas in Namibië.
Spits[wysig | wysig bron]
Hierdie inselberg is van alle rigtings en vanaf ‘n groot afstand sigbaar. Sy piek is net minder as 1500 m bo seespieël en dit staan ‘n 200 m bo die woestynvloer. Dit het besonder steil hellings. Tydens die Tweede Wêreldoorlog het die Duitse beskermingstroepe ‘n heliograafpos op die piek beman.[2]
Omgewing[wysig | wysig bron]
Rondom die piek is diamantgebied. Veral gemsbokke, springbokke en die bekende wilde perde van die Namib bevolk die omgewing. Die skrapse plantegroei is beperk tot vetplante en euphorbias.
Naam[wysig | wysig bron]
Die naam Dikwillem of Dicker Wilhelm het die spits te danke aan keiser Wilhelm II van Duitsland. Soms word dit ook die Garubberg of die Grosse Tigerberg genoem.
Verwysings[wysig | wysig bron]
- ↑ Namibia Travel Map. Kunth-Verlag, München 2017, ISBN 978-3-95504-578-4.
- ↑ See German Book Stefan Loose Reiseführer Namibia
Bronnelys[wysig | wysig bron]
- Standard Encyclopaedia of Southern Africa, deel 5. Kaapstad: Nasou, 1972. ISBN 0-625-00321-7