Diplodocidae

in Wikipedia, die vrye ensiklopedie
’n Kunstenaarsvoorstelling van Diplodocus.

Diplodocidae
Tydperk: Middel-JuraVroeë Kryt 170–136.4 m. jaar gelede
Wetenskaplike klassifikasie
Koninkryk:
Filum:
Klas:
Superorde:
Orde:
Suborde:
Familie:
Diplodocidae

Marsh, 1884
Tipespesie
Diplodocus longus
Marsh, 1878
Diplodocidae
Kladistiese klassifikasie
Koninkryk: Animalia
Filum: Chordata
Klade: Dinosauria
Familie: Diplodocidae
Marsh, 1884

Diplodocidae, of die diplodosides, was ’n familie souropode-dinosourusse wat van die langste diere ingesluit het wat ooit die aarde bewoon het, soos Diplodocus en Supersaurus – hulle kon dalk tot 34 meter lank geword het.[1][2]

Beskrywing[wysig | wysig bron]

Hoewel hulle enorm en baie lank was, was die diplodosides relatief slank in vergelyking met die Titanosauria en Brachiosauridae. Hulle het kort pote gehad en dit het hulle ’n worshondagtige voorkoms gegee; hul agterpote was ook langer as die voorpote en hul rug het dus afgeloop na die nek toe.

In 1992 is ’n fragment ontdek met horingagtige stekels. Dit lyk of die stekels ’n aaneenlopende lyn op die rug gevorm het. Dit kon ’n algemene verskynsel onder diplodosides gewees het, of onder souropodes as ’n geheel.[3]

Die kopbeen van ’n ongeïdentifiseerde diplodoside, voorwerp CM 11255.

Hul nekke was ook besonder lank en moes te swaar gewees het om in bome by te kom; hulle het waarskynlik op die grond langs gevreet of aan kort plante. Hul kop was klein, nes dié van ander souropodes, en die neusopeninge was aan die bokant daarvan. Hul tande was net voor in die mond aanwesig en is waarskynlik gebruik om kos af te byt, sonder om dit te kou. Gastroliete (klippe in die maag) is moontlik gebruik om die kos fyn te maal.

Diplodosides het ook lang, sweepagtige sterte gehad wat dik by die basis was en dan dunner na die punt geword het. Dit lyk of hulle dit soos ’n sweep kon geklap het, dalk as waarskuwing of om ’n maat te lok.

Klassifikasie[wysig | wysig bron]

Diplodocidae is die derde naam wat gegee is aan wat vandag beskou word as ’n enkele familie dinosourusse met lang nekke en sweepagtige sterte. Voorheen is sommige spesies geklassifiseer as Amphicoeliidae of Atlantosauridae. Die verwantskap tussen verskillende spesies binne-in Diplodocidae is ook al dikwels hersien.

’n Kladogram van Diplodocidae volgens Tschopp, Mateus en Benson (2015):[4]

 Diplodocidae 

Amphicoelias altus




 Apatosaurinae 

Spesie sonder naam





Apatosaurus ajax



Apatosaurus louisae





Brontosaurus excelsus




Brontosaurus yahnahpin



Brontosaurus parvus







 Diplodocinae 

Spesie sonder naam




Tornieria africana





Supersaurus lourinhanensis



Supersaurus vivianae





Leinkupal laticauda




Galeamopus hayi





Diplodocus carnegii



Diplodocus hallorum





Kaatedocus siberi



Barosaurus lentus











Verwysings[wysig | wysig bron]

  1. Lovelace, David M.; Hartman, Scott A.; Wahl, William R. (2007). "Morphology of a specimen of Supersaurus (Dinosauria, Sauropoda) from the Morrison Formation of Wyoming, and a re-evaluation of diplodocid phylogeny". Arquivos do Museu Nacional. 65 (4): 527–544.
  2. Tschopp, E., Mateus O., & Benson R. B. J. (2015). A specimen-level phylogenetic analysis and taxonomic revision of Diplodocidae (Dinosauria, Sauropoda). PeerJ. 3, e857., 4
  3. Czerkas, S. A. (1992). Discovery of dermal spines reveals a new look for sauropod dinosaurs. Geology, 20(12), 1068-1070.
  4. Tschopp, E.; Mateus, O.V.; Benson, R.B.J. (2015). "A specimen-level phylogenetic analysis and taxonomic revision of Diplodocidae (Dinosauria, Sauropoda)". PeerJ3: e857. doi:10.7717/peerj.857