Djebel Barkal

in Wikipedia, die vrye ensiklopedie
Spring na: navigasie, soek
Djebel Barkal
Djebel Barkal is ’n klein berg van 98 m hoog.
Djebel Barkal is ’n klein berg van 98 m hoog.
Koördinate 18°32′12″N 31°49′42″O / 18.53667°N 31.82833°O / 18.53667; 31.82833Koördinate: 18°32′12″N 31°49′42″O / 18.53667°N 31.82833°O / 18.53667; 31.82833
Plaaslike naam  جبل بركل
Land Vlag van Soedan Soedan
Soort Heiligdom
Unesco-wêrelderfenisgebied
Tipe Kultureel
Kriteria i, ii, iii, iv, vi
Verwysings 1073
Streek† Arabiese State
Beskrywing* Gebel Barkal and the Sites of the Napatan Region
Streek soos deur Unesco geklassifiseer.
* Naam soos op die Wêrelderfenislys

Djebel Barkal (Arabies: جبل بركل) is ’n klein berg by die dorp Karima sowat 400 km noord van Khartoem, Soedan. Dit staan by ’n groot draai in die Nylrivier in ’n streek met die naam Nubië. Dit word ook Jebel of Gebel Barkal gespel.

Die berg is 98 m hoog, is plat bo en is oënskynlik as ’n landmerk gebruik deur handelaars op die belangrike roete tussen Sentraal-Afrika, Arabië en Egipte omdat die rivier daar maklik was om oor te steek. Die berg en die historiese stad Napata aan sy voet is in 2003 deur Unesco tot wêrelderfenisgebied verklaar.

Geskiedenis[wysig | wysig bron]

Omstreeks 1450 v.C. het die Egiptiese farao Toetmoses III sy ryk tot in dié streek uitgebrei en Djebel Barkal as sy suidelike grens beskou. Daar het hy ’n veldtog gevoer naby die stad Napata, wat sowat 300 jaar later die hoofstad van die onafhanklike Koninkryk van Koesj geword het. Die 25ste-dinastiese Egiptiese koning Pije het tydens die Nuwe Ryk se bestaan sy tempel van Amoen in dié stad laat bou en sy Oorwinningstele van sy 20ste bewindsjaar in die tempel opgerig.

Ruïnes[wysig | wysig bron]

Die ruïnes om Djebel Barkal sluit in minstens 13 tempels en 3 paleise, wat vir die eerste keer in die 1820's deur Europese ontdekkers beskryf is. Uitgrawings is in 1916 egter eers begin doen deur twee spanne onder George Reisner.[1] Van die 1970's af word nog uitgrawings gedoen. Die grootste tempels, soos dié van Amoer, word vandag steeds deur die plaaslike bevolking as heilig beskou.

Djebel Barkal was ook ’n koninklike dodeakker en die ruïnes van verskeie piramides word hier aangetref.[2] Die eerste konings is in die 3de eeu v.C. hier begrawe.

Galery[wysig | wysig bron]

Verwysings[wysig | wysig bron]

  1. A. Reisner, "Historical Inscriptions from Gebel Barkal", Sudan Notes and Records, 4 (1921), pp. 59-75
  2. László Török, The kingdom of Kush: handbook of the Napatan-Meroitic Civilization

Eksterne skakels[wysig | wysig bron]