Donald I

in Wikipedia, die vrye ensiklopedie
Jump to navigation Jump to search
Donald I
Koning van die Pikte
Donald MacAlpin.jpg
Dinastie Huis van Alpin
Bewind 85813 April 862
Volle naam Domnall mac Ailpín
Gebore 812
Gesterf 13 April 862
Iona
Voorganger Kenneth I
Opvolger Konstantyn I
Kinders Giric ?
Vader Alpín mac Echdach

Domnall mac Ailpín (Skots-Gaelies: Dòmhnall mac Ailpein, ook bekend as Donald MacAlpin en op die meeste koninglyste aangedui as Donald I; 81213 April 862) was van 858 tot met sy dood in 862 koning van die Pikte. Hy het sy broer, Kenneth I, opgevolg.

Bewind[wysig | wysig bron]

Volgens die Kronieke van die Konings van Alba het Domnall vier jaar lank regeer, wat ooreenstem met die Annale van Ulster, waarvolgens hy sy broer met dié se dood in Februarie 858 opgevolg het en self in April 862 dood is.[1]

Volgens die Kronieke van Melrose was Domnall "in oorlogstyd ’n sterk soldaat ... daar word gesê hy is by Scone in ’n sluipmoordaanval dood."[2] Geen ander bron noem dat Domnall ’n gewelddadige dood gesterf het nie.

Domnall het vermoedelik nie kinders gehad nie, hoewel al voorgestel is dat Giric sy seun was en dat dié se patroniem mac Domnaill was eerder as die algemeen aanvaarde mac Dúngail.[3] Dit word egter nie algemeen geglo nie.[4]

Domnall is by die paleis van Cinnbelachoir of by Rathinveralmond dood. Die ligging van albei plekke is onbekend, maar dit was dalk dieselfde plek en vermoedelik naby die samevloei van die Almond- en die Tay-rivier, naby Scone.[5] Hy is op die eiland Iona begrawe.

Verwysings[wysig | wysig bron]

  1. Annale van Ulster, s.a. 858 & 862.
  2. Anderson, ESSH, p. 291.
  3. Smyth, p. 187.
  4. Vergelyk Duncan, p. 11ff.
  5. Anderson, ESSH, p. 291; Duncan, pp. 10–11.

Bronne[wysig | wysig bron]

  • Anderson, Alan Orr, Early Sources of Scottish History A.D 500–1286, volume 1. Herdruk met korreksies. Paul Watkins, Stamford, 1990. ISBN 1-871615-03-8
  • Duncan, A.A.M., The Kingship of the Scots 842–1292: Succession and Independence. Edinburg: Edinburgh University Press, 2002. ISBN 0-7486-1626-8
  • Smyth, Alfred P., Warlords and Holy Men: Scotland AD 80–1000. Edinburg: Edinburgh University Press, 1984. ISBN 0-7486-0100-7

Eksterne skakels[wysig | wysig bron]