Drakenstein-gevangenis

in Wikipedia, die vrye ensiklopedie
Spring na: navigasie, soek
Ingang na die Drakenstein-gevangenis.
Die Drakenstein-gevangenis.

Die Drakenstein-gevangenis, vroeër die Victor Verster-gevangenis, is 'n tronk tussen Paarl en Franschhoek, op die R301-pad 5 km vanaf die R45 Huguenot-pad, in die Wes-Kaap, Suid-Afrika. Dit word deur die Suid-Afrikaanse Departement van Korrektiewe Dienste bestuur. Die tronk is veral bekend omdat Nelson Mandela die laaste deel van sy gevangenskap hier deurgebring het.

In 1982 word Mandela vanaf die maksimum-sekuriteitsgevangenis op Robbeneiland, 'n eilandjie in Tafelbaai, na Pollsmoor-gevangenis in Tokai, Kaapstad verskuif. Hy word op 9 Desember 1988 na Victor Verster oorgeplaas, waar hy in 'n privaathuis in die kompleks gewoon het. Victor Verster is 'n plaasgevangenis wat dikwels as oorbrugging gebruik is voordat lae risiko-gevangenes vrygelaat is. Mandela dien 14 maande hier uit tot sy vrylating op 11 Februarie 1990. Die dag van sy vrylating het verslaggewers van oor die wêreld heen die gevangenis omring, wat die tronk wêreldwyd bekend gemaak het.[1]

Die huis waar Mandela woonagtig was is as 'n nasionale erfenis verklaar en 'n standbeeld van Mandela is voor die gevangenis opgerig.[2]

Sien ook[wysig | wysig bron]

Commons
Wikimedia Commons het meer media verwant aan:

Verwysings[wysig | wysig bron]

  1. Mandela, Nelson (1994). Long Walk to Freedom: Die outobiografie van Nelson Mandela. Randburg: Macdonald Purnell. ISBN 0316874965. 
  2. 9/2/069/0166 - Victor Verster prison "Madiba House", farm Watervleit”. Suid-Afrikaanse Erfenishulpbronagentskap. URL besoek op 16 September 2013.

Koördinate: 33°50′37.07″S 19°0′57.98″O