Tafelbaai

in Wikipedia, die vrye ensiklopedie
Spring na: navigasie, soek
Tafelbaai
Table Bay, South Africa wza.jpg
Tafelbaai soos gesien vanaf Tafelberg
Koördinate: 33°53′S 18°27′O / 33.883°S 18.450°O / -33.883; 18.450Koördinate: 33°53′S 18°27′O / 33.883°S 18.450°O / -33.883; 18.450
Ligging: Wes-Kaap, Suid-Afrika
Soort: Baai van die Atlantiese Oseaan
Lengte: 9 km
Breedte: 5 km
Uitvloei: Atlantiese Oseaan
Eiland/e: Robbeneiland
Nedersettings: Kaapstad
Kaapstad uit die ruimte gesien, met die uitsig oos oor die Kaapse Skiereiland en Valsbaai (agter) met Robbeneiland (links voor), Tafelberg (middel voor) en Kaappunt (regs voor)

Tafelbaai (Engels: Table Bay) is 'n natuurlike inham waaroor Kaapstad uitkyk en is geleë aan die noordekant van die Kaapse Skiereiland, wat suidwaarts tot by Kaap die Goeie Hoop strek.

Die naam Tafelbaai is afgelei van die wêreldberoemde Kaapse landmerk Tafelberg, wat op sy beurt só genoem is vanweë sy plat kruin. Robbeneiland is in die baai. Hoewel die baai reeds eeue lank bekend is as 'n veilige hawe vir skepe, is dit in werklikheid nie 'n baie goeie natuurlike hawe nie en is dit blootgestel aan stormwinde uit die suidooste en noordweste. Baie seilskepe wat in die 17de en 18de eeue in die baai skuiling gesoek het, het weens storms gestrand. Die Nederlandse koloniste het egter voortgegaan om 'n nedersetting hier te vestig aangesien daar min natuurlike hawens langs die Kaapse kus is en die naaste alternatiewe – Valsbaai en Saldanhabaai – byna geen vars water gehad het nie.

'n Hawe is mettertyd in Tafelbaai gebou deur landherwinning en die bou van breekwaters om skepe te beskerm. Die ouer deel van die struktuur staan as die Victoriadok bekend. Die nuwer deel word Duncandok genoem.

Sien ook[wysig | wysig bron]

Eksterne skakels[wysig | wysig bron]