Echternach

in Wikipedia, die vrye ensiklopedie
Spring na: navigasie, soek

Echternach
Iechternach • Eechternoach
EchternachFernblick.JPG

Kaart Wapen
Map Echternach.PNG
Blason ville lu Echternach (Echternach).svg
Vlag
Flag of None.svg
 Land Flag of Luxembourg.svg Luxemburg
 Distrik Grevenmacher
 Kanton Echternach
 Koördinate 49°49′N 6°25′O
 Stigting 698
 Stadstatus 1236
 Oppervlakte:  
 - Totaal 20,5 vk km
 Hoogte bo seevlak 154-393 m
 Bevolking:  
 - Totaal (2011) 4 960[1]
 - Bevolkingsdigtheid 242,1/vk km
 Tydsone UTC +1 (MET)
 - Somertyd UTC +2
 Burgemeester Théo Thiry (CSV)
 Amptelike webwerf Echternach

Echternach (Lëtzebuergesch ook Iechternach en Eechternoach) is 'n stad in die ooste van die Groothertogdom Luxemburg, in die gelyknamige munisipaliteit, met 4 960 inwoners (2011).

Echternach is een van die kleinste stede in Luxemburg en 'n belangrike toeristebestemming. Naby die stad lê die Duits-Luxemburgse Natuurpark.

Geskiedenis[wysig]

Die Basiliek van Echternach
Die Dënzelt (Raadsaal van Echternach)

'n Romeinse villa langs die meer van Echternach getuig van die vroeë Romeinse nedersetting wat in die 1ste eeu n.C. in die gebied ontstaan.

Die huidige stad Echternach word in die jaar 698 gestig. Die Heilige Willibrord (omtrent 658-739), 'n Engelse sendeling, kry van Irmina van Euren 'n stuk land naby Trier, waarop hy 'n klooster oprig. Vanuit die klooster word onder meer die sendingwerk in Friesland georganiseer. Rondom die klooster ontwikkel vinnig 'n dorp van handelaars en ambagsmanne, wat in 1236 stadstatus kry.

Keiser Hendrik II bevorder die abdy en veral die kloosterskool. Echternach word 'n geestelike, bedevaart- en kunssentrum, waar plaaslike kunstenaars miniatuurskilderye in die Angel-Saksiese styl vervaardig.

Die klooster self staan bekend vir sy Scriptorium, onder meer twee goue bybeluitgawes geskryf en geïllustreer is, die Codex Aureus Epternacensis en die Codex Aureus Escorialensis. Vandag word eersgenoemde in die Duitse stad Neurenberg (die klooster Echternach beskik oor 'n faksimile), laasgenoemde in die El Escorial-museum van Madrid (Spanje) bewaar.

Tydens die Franse Rewolusie word die abdy verkoop en dien tydelik as porseleinfabriek (waarby sy torings, blykbaar in die gees van die rewolusie, as skoorstene gebruik word). Vervolgens word dit 'n kasarm en uiteindelik 'n ruïne. Danksy die stigting van die Willibrord-bouvereniging kan die abdy later heropgerig word.

Die bou van die spoorwegnet met sy gewilde trein "Charly" is die begin van Echternach se ekonomiese opbloei as 'n belangrike toeristebestemming.

Vanweë sy ligging digby die Duitse grens word Echternach tydens die Ardenne-offensief van die Tweede Wêreldoorlog grotendeels verwoes. Ook die Basilika word verniel en danksy die Willibrord-bouvereniging heropgerig.

Toerisme[wysig]

Die toerisme is 'n belangrike basis van Echternach se ekonomie. Die stad lê digby die natuurskoon van die sogenaamde Klein Luxemburgse Switserland. Die stad verwerf wêreldfaam vir sy Sprangprëssessioun (springprosessie), waarby tydens die Pinksterfees jaarliks tot by 10 000 pelgrims ter ere van die Heilige Willibrord springend deur die stad beweeg, tot by die Basiliek. Tradisionele musiek begelei die prosessie.

Die tradisie van die prosessie gaan terug tot die laat middeleeue, en sy springende bewegings het hulle oorsprong vermoedelik in die simptome van die epilepsie-lyers, wat tydens hulle bedevaart na genesing soek.

Besienswaardighede[wysig]

  • Die Basiliek van Echternach is die belangrikste toeristebestemming. Hier word die sterflike oorskot van Sint-Willebrord in 'n pragtige sarkofaag bewaar.
  • Die Dënzelt is die raadsaal van Echternach.
  • Die abdy van Echternach, wat met die Basiliek verbind is, huisves vandag 'n skool en 'n museum.
  • Langs die Meer van Echternach lê die oorblyfsel van 'n luukse villa uit die Romeinse tydperk. Net sy plattegrond kan nog gesien word.

Verwysings[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Echternach (kategorie)