Efavirens/emtrisitabien/tenofovir

in Wikipedia, die vrye ensiklopedie
Jump to navigation Jump to search

Star of life caution.svg

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n mediese dokter verwys te word.


Efavirens/emtrisitabien/tenofovir (generiese naam) (handelsnaam Atripla ®) is 'n vastedosiskombinasie-antiretrovirale geneesmiddel vir die behandeling van MIV-infeksie. Die produk, ook trippelterapie genoem, kombineer Gilead Sciences se emtrisitabien en tenofovir (reeds beskikbaar as Truvada ®) met Bristol-Myers Squibb se efavirens in 'n een-per-dag tablet. Die kombinasie verlig die las op pasiënte om meer as een preparaat te neem en verbeter dus die pasiëntsamewerking. Op die lang duur verhoog dit die vereiste nakoming van die voorgeskrewe teenretrovirale behandeling.

In die VSA word dit bemark deur Gilead Sciences onder die Atripla ®-handelsnaam, teen 'n pasiëntkoste van VS$1 850 vir 'n maand se voorraad. Sedert 2007 kos dit ongeveer VS$1 344 in Indië en VS$528 in Afrika.[1] Atripla ® het 'n vaste kombinasie van 600 mg efavirens, 200 mg emtrisitabien en 300 mg tenofovir disoproksielfumaraat, per tablet. Volwassenes neem een tablet daagliks, verkieslik met slaaptyd, om sodoende die newe-effekte op die senuweestelsel te omseil. Atripla ® word nie aanbeveel vir pasiënte jonger as 18 jaar nie.

In Indië het die maatskappy Cipla sy eie weergawe van Atripla ®, genaamd Viraday ®, vrygestel.

In Suid-Afrika het die minister van gesondheid, dokter Aaron Motsoaledi die eerste tablet op staatstender op 9 April 2013 aan 'n pasiënt in Ga-Rankuwa toegedien. Finale implementering in alle klinieke en staatshospitale van Suid-Afrika is op 3 Oktober 2013 van stapel gestuur.

Lys van handelsname beskikbaar in Suid-Afrika[wysig | wysig bron]

  • Atripla ® tablette
  • Odimune ® tablette
  • Tribuss ® tablette

Voetnota: ® is 'n geregistreerde handelsmerk

Verwysings[wysig | wysig bron]

  1. BNF Atripla”.
Hierdie artikel is in sy geheel of gedeeltelik vanuit die Engelse Wikipedia vertaal.